________________
5
10
151
20
25
२२
Jain Education International 2010_02
श्रीधर्मविधिप्रकरणम्
विसवेयणसंजयणं, सूरियकंतापियं पड़ अमच्चो | मिच्छादुक्कडदाणं, कारइ भूवाउ सविसेसं ॥ १९९॥ जमवस्स वेयणीयं, नरगाइसु परवसेण नरनाह ! । तं कम्मनिट्ठवंती, एसा उवयारिणी तुज्झ ॥ २००॥ कसुकओ वि तुमं जइ, एईए उवरि धरसिं संतावं । ता हारेसि सुवन्नं, धमियं इक्काइ फुक्काए ॥२०१॥ नरवर ! अणंते, अणंतसो तिरियनारयाईसु । जीवेण भमंतेणं, दुक्खाई जाइँ सहियाइं ॥ २०२॥ सिमविक्खाइ इमो, न दुक्खलेसो वि इय मणे धरिडं । नियकम्पजणियमेयं, धीरो होऊण सह सव्वं ॥ २०३ ॥
इय वुत्तूण अणसणं, दाऊण वयाई उच्चरावेउं । आराहणं कराविय, सुसमाहिं पाविओ राया" ॥२०४॥ ता पंच नमुक्कारं समुच्चरंतो विसुद्धपरिणामो । सिरिकेसिपायपउमं, भत्तीए सरणमल्लीणो ॥२०५॥
" देहं चइऊण तओ, स निवो सयमुवचिएहिँ पुन्नेहिं । दिव्वेहिँ तुरंगेहिँ व, पत्तो सोहम्मकप्पम्मि ||२०६ || सूरियाभविमाणे, उववाए सयणसंपुडे दिव्वे । सो उप्पन्नो जलहर-गब्भम्मि य विज्जुपुंजु व्व ॥२०७॥ अंगुल असंखभागो, सो पढमं अह पडेसु सत्तसु वि । देवीहिँ अवगणिएसु, संजाओ सत्तहत्थतणू ॥२०८॥ वज्जरिसहसंघयणो, कणयाभो सत्तधाउमुक्कतणू । अणिमाइगुणोवेओ, दित्तो चउरंससंठाणो ॥ २०९॥ वेव्विलद्धिजुओ, ओहिन्नाणी सुलक्खणोवेओ । संवीयदिव्ववसणो, सव्वंगं जुव्वणो चविओ || २१०|| वरहारकडयकंकण-कुंडलमउडाइमंडियसरीरो । सो तत्थ इंदतुल्लो, विक्खाओ सूरियाभुत्ति" ॥२११॥
For Private & Personal Use Only
www.jainelibrary.org
