________________
२०
10
श्रीधर्मविधिप्रकरणम् तुह पडिबोहणकज्जे, इह आहूया मए गुरू एए । हयवाहणियामिसओ, आणीओ इत्थ य तुमं पि ॥१७३॥ तं सोउं भणइ निवो, अमच्च ! तं धम्मबंधवो मज्झ । जइ वा तुममेव गुरू, गुरुदंसणकारगत्तेण ॥१७४॥ अन्नं च नरयकूवे, निवडतो नाणनयणहीणो हैं । उद्धरिओ तुमए गुरु-हत्थालंबणपओगेण ॥१७५॥ एवं निवो अमच्चं, पसंसिउं वंदिउं च गुरुपाए । अधणो धणलाभेण व, हरिसियहियओ गओ ठाणं ॥१७६।। अह तस्स गुरुसमीवे, निच्चं संदेहपुच्छणपरस्स । तह परिणमिओ धम्मो, जह तं खोभंति न सुरा वि ॥१७७॥ तप्पडिबोहवसेणं, लोए जिणधम्मभाविए जाए । फलिए मंतिमणोरह-तरुम्मि विहरेइ केसिगुरू ॥१७८॥ "अह सो पएसिराया, करेइ जिणचेइयाइँ देसेसु । गरुयपभावणपुव्वं, रहजत्ताओ य पडिनयरं ॥१७९॥ सेवेइ साहुवग्गं, मन्नइ साहम्मिएसु बंधु व्व । पडिबोहिउं च लोयं, सयं पइट्ठावए धम्मे ॥१८०॥ धरड य पव्वदिणेसं, सुद्धमणो पोसहव्वयमखंडं । धम्माणुट्ठाणपरो, जहसत्तीए तवं तवइ ॥१८१॥ मन्नइ विसं व विसए, दुज्जणसंगं व वज्जइ अबंभं । चारित्तिणो पसंसई, चारित्तं गहिउकामु व्व" ॥१८२॥ इय वच्चंते काले, अन्नदिणे तस्स निवईणो देवी ।
सूरियकंता चिंतइ, मयणग्गहचाइयविवेया ॥१८३॥ "जप्पभिई जिणधम्मो, पडिवन्नो नरवरेण तप्पभिई । आलवणं पि मए सह, बंभासत्तेण परिचत्तं ॥१८४॥ ता एवं मारेउं, सूरियकंताभिहं च नियपुत्तं । रज्जे ठविऊण अहं, अन्ननरेणं सह रमामि ॥१८५।।
20
25
Jain Education International 2010_02
For Private & Personal Use Only
www.jainelibrary.org
