________________
श्रीधर्मविधिप्रकरणम् इहरा घरमणुपत्तो, झूरसि दारिद्ददूमिओ बहुयं ।। इय भणिओ वि न मन्नइ, अउन्नयाणं केओ बुद्धी ॥१४८॥ भणइ न अपइट्ठो हं, तुब्भे इव नवनवेसु चलचित्तो । किं पि न मुंचामि न वा, गिन्हामि विणा इमं लोहं ॥१४९॥ तुब्भे धूलिमिलिया, पलोभिणो इत्थ अच्छह मरंता । उस्सीसयकयलोहो, सुहसुत्तो हं तु पिक्खिस्सं ॥१५०॥ अह गहिले इव तम्मि य, तडिट्ठिए लहिय लक्खमुल्लाइं । रयणाई पंच पंच य, तिन्नि वि मंतयंति इमं ॥१५१॥ किं ताइ सिरीइ सुपीवराइ, जा होइ अन्नदेसम्मि । जा न वि मित्तेहिं समं, जं च अमित्ता न पिक्खंति ॥१५२॥ ता जामो नियदेसं, इय मंतिय आगया निए ठाणे । इयरो वि तेहिँ सद्धि, खरु व्व अइभारिओ पत्तो ॥१५३॥ अह ते तिन्नि वि रयणाणि, बहुयदव्वेण विक्कणेऊण । कारंति वरघराई, भुंजंति मणुन्नमाहारं ॥१५४॥ पहिरंति दिव्वदूसे, परिणंति सुरूवइब्भकन्नाओ । विलसंति जहिच्छाए, भमंति तह सयणपरियरिया ॥१५५।। सो लोहभारवाही, लोहं विक्किणिय तेण मुल्लेण । मग्गव्वयाउ लुट्टो, भोयणचिंतादेहे पडिओ ॥१५६।। रंकु व्व भोयणत्थी, मुणि व्व घरघरिणिबंधणविमुक्को । जीवो इव एगागी, भमेइ सव्वत्थ सो मूढो ॥१५७। तेसिं च रिद्धिनिवहं, पिक्खंतो सुरवराण संकासं । पच्छत्तावेण बहुं , परितप्पइ जरियदेहु व्व ॥१५८।। एवं सो तप्पंतो, लंघतो उयरपूरणाभावे । मग्गेइ दीणवयणो, तप्पासे धन्नकवलं पि ॥१५९॥
15
१. कुणउ प्रत्यन्तरे ।
Jain Education International 2010_02
For Private & Personal Use Only
www.jainelibrary.org
