________________
१७
10
प्रथमं धर्मपरीक्षाद्वारम्
आह निवो को भयवं, स लोहभारव्वहो नरो कहसु । अह अक्खइ केसिगुरू, नरवर ! निसुणेसु उवउत्तो ॥१३५॥ "नयरीइ कोसलाए, पुरिसा चत्तारि निद्धणा धणियं । समदुक्खदुक्खिया इव, कुणंति मित्तत्तमन्नुन्नं ॥१३६॥ तत्तो दव्वोवज्जणकज्जे, देसंतरम्मि ते चलिया । वच्चंतेहिं कत्थ वि, दिवो लोहागरो गरुओ ॥१३७।। तो चिंतियमेएहिं, लोहं घित्तूण अन्नदेसेसु । गच्छामो जं अग्धं, लहिस्सई वरिसयालम्मि ॥१३८॥ तो नियनियसीसेहिं, वहिउं सक्कंति जित्तियं लोहं । लोहेण तित्तियं ते, गंतुं चलिया भरुक्कंता ॥१३९॥ रुप्पागरम्मि पत्ता, रुप्पं गिन्हति विक्किणियलोहं । इक्को पुण तं लोहं, न छड्डए धरियमइमोहो ॥१४०॥ इयरेहिँ गाहिओ सो, भणेइ अणवट्ठिया अहो तुब्भे । न चइस्सामि अहं पुण, चिरपरिवूढं इमं लोहं ॥१४१॥ पुरओ गएहिं पत्तो, कत्थ वि कणयागरो तओ रुप्पं । विक्कीय लिंति कणयं, तिन्नि चउत्थो य उवहसइ ॥१४२॥ भो भोऽणवट्ठियमणा, तुब्भे अन्नुन्नगाहिणो चवला । कीस मुहा परितप्पह ? बालयकीलं कुणंत व्व ॥१४३॥ कुगुरूवएसमिव तं, अवमन्निय अग्गओ गया जाव । ता आसन्नो निसुओ, कत्थ वि रयणागरो तेहिं ॥१४४॥ तत्थ य निवआइटो, होइ दसंसो नराण खणगाणं । सेसे पुण नवभागे, रायनिउत्ता नरा लिंति ॥१४५॥ इय नाउं तं कणयं, विक्किणिउं संबलं च काऊणं । तत्थागरम्मि गंतुं, रयणाई खणिउमारद्धा ॥१४६।। भणिओ य लोहवाही, मित्तत्ताओ अणेगजुत्तीहिं । रयणाइँ गिन्ह अज्ज वि, वयराण न पडियं किं पि ॥१४७॥
15
20
25
Jain Education International 2010_02
For Private & Personal Use Only
www.jainelibrary.org
