________________
10
श्रीधर्मविधिप्रकरणम् जह उब्भडसिंगारो, कयदिव्वविलेवणो नरो कोइ । नो जाइ असुइठाणे, तह इत्थ न इंति देवा वि ॥१२२।। पत्तो न तुह पिया पुण, वेयंतो नरयवेयणं दुसहं । परमाहम्मियधरिओ, न लहइ जं इत्थ आगंतु ॥१२३॥ नरवर ! नरए घोरे, नेरइया निच्चकालदुक्खत्ता । न लहंति सुक्खलेसं पि, पुव्वकम्माणुभावेण ॥१२४॥ छेयणभेयणकत्तण-कुंभीपागाइवेयणक्वंता । हडिखित्तमणुस्सा इव, गंतुं न लहंति अन्नत्थ ॥१२५॥ जह कोई सावराहो, धरिओ आरक्खिएहिँ निग्गहिउं । न लहइ सयणे दटुं, तह नेइओ इहागंतुं ॥१२६॥ ता एयं नाऊणं, नरवर ! जीवाण सग्गनरयठिई । धम्माधम्मखएणं, मुक्खं पि मुणेसु मा मुज्झ" ॥१२७॥ इय आयन्निय राया, फुरंतरोमंचकंचुइज्जतो । मउलीकयकरकमलो, भत्तीए विन्नवेइ गुरुं ॥१२८।। "भयवं ! मोहपिसाओ, अज्जेव महाबलो वि मह नट्ठो । मंतेण मंतियस्स व, वाणीए ताडिओ तुज्झ ॥१२९॥ पहु अब्भंतरनयणाई, मज्झ अन्नाणतिमिरभरियाई । उग्घाडियाइँ देसण-पीऊसंजणसलागाए ॥१३०॥ नायं च संपयं पहु, जिणधम्माओ परो न धम्मु त्ति । तेयनिही जह नन्नो, आइच्चाओ जए पयडो ॥१३१॥ नवरं नत्थियवाइ-त्तणमम्हाणं कमेण संपत्तं । ता कह मुंचामि अह, सामिय लज्जिज्जइ जणे वि ॥१३२॥ एसो पिऊणा कूवो, खणाविओ इय मईइ तस्सेव । खारं पि जलं केई, पिबंति मूढा न सविवेया" ॥१३३॥ एयम्मि य पत्थावे, जइ जिणधम्मं पवज्जसे न तुमं । ता लोहभारवाहग-नरु व्व परितप्पसे पच्छा ॥१३४॥
20
25
Jain Education International 2010_02
For Private & Personal Use Only
www.jainelibrary.org
