________________
प्रथमं धर्मपरीक्षाद्वारम्
को वि मणुस्सो नरवर !, भरिउं पवणस्स तोलए वथि । रित्ती काउं तं चिय, पुणो वि सो तोलइ तहेव ॥ १०९ ॥ तो एगमेव माणं, हवेइ नरनाह तोलणदुगे वि । हीणाहियत्ततुलणा, पवणकया का वि नो तत्थ ॥११०॥ जं तोलणे विसेसो, पवणस्स वि फरिसणेण गम्मस्स । न वि दीसइ ता कह सो, हवेइ जीवे अमुत्तम्मि ॥ १११ ॥ नरवर ! कुंभीमज्झे पविसेउं संखवायगो को वि । नीरंधं तद्दारं, बंधाविय वायए संखं ॥ ११२ ॥
पयडा ।
बहिया सुम्मइ सद्दो, सो अच्छिद्दे वि निग्गओ कहणु । इत्तो वि जिओ सुहमो, कह तत्थ गमागमं न कुणे ॥ ११३ ॥ तम्हा नियसंवेयण-अणुभवपच्चक्खगोयरो जीवो । सव्वेसि पि हु देहीण, चिट्ठए भूयअइरित्तो ॥ ११४॥ सो चेयणपुव्वगई, चिट्ठालिंगेहिं इत्थ नायव्वो । नरवर ! समीरणो इव, पडागचलणाइचिंधेहिं ॥११५॥ जीवे य विज्जमाणे, परभवगामिम्मि य नरवर धमाधम्मप्पभवा, विन्नेया सग्गनरया वि ॥ ११६ ॥ जं तुह मायासग्गा - उ नागया तत्थ कारणं एयं । सग्गे निसग्गरम्मे, देवा सुक्खेण विलसति ॥११७॥ अणहीणमणुयकज्जा, अक्खित्ता दिव्वपिक्खणाईहिं । असमत्तकज्जनिरता - वसंवया पेमपासस्स ॥ ११८ ॥ न कया वि इंति देवा, जिणंदकल्लाणयाइ मुत्तूण | जं तिरियलोग दुग्गंध - संगमो हवइ जं भणियं ॥ ११९ ॥ चत्तारि पंच जोयण - सवाई गंधो य मणुयलोगस्स । उड्डुं वच्चइ जेणं, न हु देवा तेण आवंति ॥ १२०॥ [ बृ.सं./गा.१९४] जिणपणकल्लाणेसुं, तहेव महरिसितवाणुभावाओ । जम्मंतरनेहेण य, आगच्छंती सुरा इहई ॥१२१॥
Jain Education International 2010_02
१५
For Private & Personal Use Only
5
10
15
20
25
www.jainelibrary.org
