________________
प्रथमं धर्मपरीक्षाद्वारम्
अवियारिऊण एयं, मुणिवर न कहेमि तुज्झ सुणसु जओ । माया सुसाविया मह, नत्थियवाई पिया य पुणो ॥ ८३ ॥ मायाइ अहं भणिओ, कायव्वा वच्छ ! जीवदया तुमए । जीवाण रक्खणे जं, सग्गो नरओ य हणणेण ॥८४॥ एयं जणणीवयणं, पमाणियं माउवच्छलत्तेण । तो हं जाओ जणणीइ वल्लहो जीवियाओ वि ॥८५॥ पिउणा वि अहं भणिओ, सजणणिवयणेसु मा किं व कूणसु । नत्थ जिओ कस्स दया, ता वट्टसु तं जहिच्छाए ॥८६॥
अह तं पिउणो वयणं पि, मन्नियं ताय वच्छलत्तेण । तो हं जाओ पिउणो, वि वल्लहो जीवियाओ वि ॥८७॥ अह पज्जंते जणणी, भणिया जइ तुज्झ अंब ! धम्माओ । सग्गो हवेइ ता मह - कहिज्ज जं तं चिय करेमि ॥८८॥
ता जणणीई मुयाए, आगंतुं साहियं न मे किं पि । तो निच्छियं मए इह, धम्माओ नत्थि सग्गु त्ति ॥८९॥ एवं पिया विभणिओ, पज्जंते ताय जइ तुमं नरए । पावेण दुही हुज्जा, कहिज्ज ता तं चएमि जओ ॥९०॥ अह जणएण मुएणं, इट्ठस्स वि साहियं न मे किंपि । तं निच्छयं मए इह, पावाओ नत्थि नरगु त्ति ॥९१॥ जीवं च के विमूढा, कत्थ वि अक्खंति देहमज्झमि । तो तस्सावि परिक्खा, मुणिवर एवं मए विहिया ॥९२॥ एगो चोरो गहिऊण, कारिओ तिलपमाणखंडाई | तह विन दिट्ठो मुणिवर !, जीवो आगासकुसुमं व ॥९३॥ एगो पुण जीवंतो, तोलाविय दाविडं गलंगुट्टं । माराविऊण सहसा, तहेव तोलाविओ निउणं ॥९४|| जं माणो जीवंतो, जाओ सो मारिओ वि तं माणो । तत्थ मए जीवकयं, दिट्ठे हीणाहियत्तं नो ॥९५॥
For Private & Personal Use Only
Jain Education International 2010_02
१३
5
10
15
20
25
www.jainelibrary.org
