________________
10
श्रीधर्मविधिप्रकरणम् इय मंतिवयणमंतेहिँ उंजिओ मुक्ककोवविसलहरो । विसहरदट्ठ व्व निवो, सचेयणो झत्ति संजाओ ॥७०॥ तो पत्तो गुरुपासे, पभणइ मुणिवर ! कया तुमं पत्तो ? । गुरुणा भणियं नरवर !, अज्ज अहं आगओ इत्थ ॥७१॥ अह सचिवो भणइ निवं, सामिय ! आसणमलंकरेऊण । एएण समं गुटुिं, करेइ निउणाहिं जुत्तीहिं ॥७२॥ अह आसणे निसन्नो, राया कमलम्मि रायहंसु व्व। दिट्ठाइ केसिमुत्तीइ रंजिओ भणइ हसिऊण ॥७३॥ मुणिवर ! किं विज्जाए , मंतेणं धुत्तविलसिएणं वा । वाणारसीठगेण व, विमोहिओ इत्तिओ लोओ ॥७४॥ तो भणइ मुणी नरवर, एस जणो एइ धम्मसवणकए । किमणेण मोहिएणं, भिक्खाजीवीण अम्हाण ॥७५।। "अह आह निवो मुणिवर !, मुत्तीए रायपुत्ततुल्लाए । भिक्खावित्तीइ कहं, पारद्धा जीविया अहमा ? ॥७६।। कीवा काउरिसनरा, अहवा ववसायअक्खमा के वि । गिण्हंति जीवियाए , पासंडं न उण तुह सरिसा ॥७७।। ता एयं पासंडं, मुंच तुमं होसु मज्झ मंडलिओ । काऊण करे कुंतं, आरुहसु तुरंगमं जच्चं ॥७८॥ देमि अहं तुह देसं, तत्थ य भुंजसु मणोरमे भोगे । गिण्हसु नियजम्मफलं, निसुणियमेयं पि किं न तए ॥७९॥ तपांसि यातनाः सर्वाः, संयमो भोगवञ्चना । क्रियाकल्पश्च सर्वोऽपि, बालक्रीडेव लक्ष्यते ॥८०॥ ता किं करेसि कटुं, निष्फलमेयं वियारसु मणेण । इह नत्थि ताव जीवो, जो परलोए फलं लहइ ॥८१॥ जीवस्स असंतस्स य, अजायपुत्तस्स नामकरणं व । के वि इह मूढमइणो, सुकयं दुकयं च कप्पंति ॥८२॥
15
25
Jain Education International 2010_02
For Private & Personal Use Only
www.jainelibrary.org