________________
10
प्रथमं धर्मपरीक्षाद्वारम्
सेयजलाविलगत्तो, तरुवरछायाइ वीसमंतो सो । अप्पाणममयसित्तं, व मन्नमाणो ठिओ जाव ॥५७॥ ता निसुणइ सवणेहिं, निवो झुणिं तत्थ महुरगंभीरं । भणइ य मंतिं किं इत्थ, अत्थि य हत्थी समयकलिओ ? ॥५८॥ मंती पभणइ सामिय, नाहं जाणेमि किंतु आरामे । पिक्खामो तो राया, गच्छइ से मज्झभागम्मि ॥५९॥ अह तत्थ य के एए , दंसणिणो किं कहति एरिसया ? । इय कोउगेण पत्तो, मंताकिट्ठ व्व नयरिजणो ॥६०॥ तत्पुरओ केसिगुरू, गंभीरसरेण गुलगुलायंतो । उवएसदाणरसिओ, चिट्ठइ मयमत्तहत्थि व्व ॥६१॥ पुरओ य संचलंतो, स भूवई पिक्खिऊण तं केसि । पभणेइ चित्तमंति, किं मुडो आरडइ एसो ? ॥६२॥ कइया एसो इह आ-गओ य पासंडियाहमो चोरो । मा सचिव अम्ह देसं, मुसिस्सई अन्नदेसं व ॥६३॥ लभ्रूण अंगुलिमिमो, बाहुं पि गिलिस्सई खणद्धेण । ता निस्सारसु दुटुं, नियठाणाओ विसहरं व ॥६४॥ इय नरवइआणाए, मंती गंतूण कइवयपयाई । चलिऊण भणइ सामिय, इत्थत्थे अस्थि विन्नत्ती ॥६५॥ निस्सारिओ वि एवं, एसो गंतूण अन्नदेसेसु । इय जणसभासु पयडं, अक्खिस्सई विमुहभट्ट व्व ॥६६॥ सेयवियानयरीसो, पएसिराया न याणई किं पि । जं नीसारइ सगुणे वि, जलहिवेलु व्व रयणाई ॥६७॥ ता देव ! एस वायम्मि, जंपिओ तुज्झ वयणसरविद्धो । सयमेव पलाइस्सइ, संगामे भग्गदप्पु व्व ॥६८॥ देव ! तए सह वुत्तुं , न खमो वाईसरो वि को एसो ? । 25 उदियम्मि सिसिरकिरणे, तारयनियराण का जुन्हा ? ॥६९॥
15
Jain Education International 2010_02
For Private & Personal Use Only
www.jainelibrary.org
