________________
श्रीधर्मविधिप्रकरणम् जं पुण मंतरहस्सं, नायं एएण तं महाचित्तं ।। ता एस न पासंडी, किं पुण मुत्तु व्व परमत्थो ॥१८॥ इय चिंतिऊण मंती, मुणिपाए पणमिऊण उवविट्ठो । अह केसिगुरू धम्मं, तं उद्दिसिउं कहइ एवं ॥१९॥ "जीवा भवारहट्टे, दिढनिम्मियकम्मरासिपडिबद्धा ।
कह वि न लहंति मुक्खं, तत्थ भमंता बइल्लु व्व ॥२०॥ तत्थ वि य जे पमत्ता, भमंति ते भंजिऊण गुणमालं । निवडंति नरयकूवे, सहति अइतिव्वदुक्खाइं ॥२१॥ जे पुण अपमत्ता ते, गुरुदेसणवुट्ठिमोइया संता । पावंति बंधरहिया, सुगइ सव्वंगसुक्खकरं ॥२२॥ ता मुत्तुण पमायं, बुद्धीए पेहिऊण परमत्थं ।। चइऊण य कुग्गाहं, करेसु भो उज्जमं धम्मे" ॥२३॥ इय सुगुरुसुद्धदेसण-ससिकिरणुल्लसियधम्मकल्लोलो। जलहि व्व चित्तमंती, केसिगुरुं नमिय पुच्छेइ ॥२४॥ पहु ! मह कहेसु सव्वं, किं सुहमसुहं चिणेइ इह जीवो । कम्मं तज्जणिओ वा, हवेइ धम्मो अहम्मो वा ॥२५॥ किं वा नरयाइदुहं, दंसिय भे सिज्जए जणो मूढो । सग्गापवग्गसंगम-सुहेण मोहिज्जए अहवा ॥२६॥ "अह केसिगणहरिंदो, जंपइ को इत्थ सचिव ! संदेहो । जीवो बंधइ कम्म, धम्माधम्मा य तज्जणिया ॥२७॥ कीरइ जओ जिएणं, मिच्छत्ताइहिं चउगइगएणं । तेणिह भन्नइ कम्मं, अणाइयं तं पवाहेण ॥२८॥ ईसरदरिबियाणं, पंडियमुक्खाण रायरंकाणं । इच्चाइअंतरेहि, तं जाण सुहासुहं कम्मं ॥२९॥ सुहकम्मेणं धम्मो, तव्विवरीओ य असुहकम्मेण । तब्भावेणं जीवा, पावंति सुहासुहं ठाणं" ॥३०॥
15
20
25
Jain Education International 2010_02
For Private & Personal Use Only
www.jainelibrary.org
