________________
5
100
अष्टमं सद्धर्मफलद्वारम्
भाय ! पमत्तेण मए , नियओ सयमेव वंचिओ अप्पा । तो साहिस्सामि फुडं, इत्तो हं विज्जमुज्जुत्तो ॥१००४।। हियए ममं धरतो, आगच्छिज्जसु पुणो वि वरिसंते । तइया साहियविज्जो, अहंपिइस्सामि सहतुमए (अहंपितत्थेव इस्सामि) ॥१००५।। असमत्थो तं नेउं, चंडालीपेमपासपरिबद्धं । एगागी वि गओ सो, वेयड्डगिरिम्मि मेघरहो ॥१००६।। कह एगागी पत्तो, कत्थ य ते बंधवु त्ति बंधूहि । सो पुट्ठो तं अक्खइ, वुत्तंतं विज्जुमालिस्स ॥१००७॥ तीए वि कुरूवाए, चंडालीए सओ समुप्पन्नो । मुइओ य विज्जुमाली, तं विज्जासिद्धिमिव लहिउं ॥१००८।। मायंगीए रत्तो, विसेसओ सो सुयस्स पेमेण । दुसुमिणमिव वीसारइ, विज्जाहरसंपई कुमई ॥१००९॥ अह विज्जुमालिणा सह, विलसंती सा पुणो धरइ(वहइ) गब्भं । इत्तो य वरिसमेगं, मेघरहो निगमइ एवं ॥१०१०॥ हा हं सुरंगणासम-वरविज्जाहरवहूहि परियरिओ। सो काणदंतुराए , चंडालीए गिहे वसइ ॥१०११॥ निवसामि सत्तभूमिय-पासाए हं विमाणरमणीए । सो पुण मसाणकीकस-संकुलचंडालकुडिको ॥१०१२॥ नाणाविहविज्जाबल-पुज्जंतसमीहिओ अहं तत्थ । सो जिन्नवसणवेसो, कयन्नभोई य मह भाया ॥१०१३॥ इय विज्जुमालिदुक्खं, निययसरीरेण अणुहवंतु व्व । मेघरहो कयविरहो, पुणो वि पत्तो वसंतपुरं ॥१०१४।। जंपइ य विज्जुमालिं, गतुं वेयड्पव्वए भाय !। विज्जाहरसामित्तं, सुपवित्तं कह न पालेसि ? ॥१०१५।। काउं विलक्खहसियं, स विज्जुमाली वि जंपए एवं । एसा हि बालवच्छा, मह गिहिणी गुब्विणी य पुणो ॥१०१६।।
15
20
25
Jain Education International 2010_02
For Private & Personal Use Only
www.jainelibrary.org
