________________
३३२
10
श्रीधर्मविधिप्रकरणम् जंपंति सेविया ते, चंडाला भो कहेह नियकज्जं । संजाया बहुदिवसा, इह चिटुंताण तुम्हाणं ॥९९१॥ अक्खंति ते वि तेर्सि, पुरओ सब्भावगोवणं काउं । अम्हे खिइप्पइट्ठिय-नयराओ आगया इत्थ ॥९९२॥ मायापिउहि अम्हे, दुवे वि निक्कासिया नियगिहाओ । तत्तो परिब्भमंता, इह संपत्ता इह ठिया य ॥९९३॥ मायंगेहिं भणियं, अम्हे आसज्ज इत्थ चिढेइ । जइ अभिवंछह तुब्भे, ता नियकन्नादुगं देमो ॥९९४॥ नवरं वच्छा ! तुब्भे, जइ परिणिस्सह सुयाउ अम्हाणं । तो अम्ह जाइउचियं, कम्मं सव्वं पि कायव्वं ॥९९५।। तेहि तह त्ति पवन्ने, अह मायंगेहि करिय वीवाहं । दिन्नाउ काणदंतुर-कन्नाओ दुन्नि दुण्हं पि ॥९९६॥ अह विज्जुमालिखयरो, मायंगसुयाइ तीइ अणुरत्तो । खंडियनियसीलवओ, नो विज्जासाहणं कुणइ. ॥९९७।। जाया कमेण गिहिणी, गब्भवई विज्जुमालिणो तस्स । जाओ य सिद्धविज्जा, मेघरहो वच्छरे पुण्णे ॥९९८॥ तो नेहेण रहम्मी, मेघरहो विज्जुमालिणं भणइ । जामो सुसिद्धविज्जा, अहुणा चइऊण चंडाले ॥९९९।। विलसामो वेयड्डे, मायंगीओ इमाउ मुंचामो । जं तत्थ खेयरीओ, सयंवराओ बहू अम्ह ॥१०००। लज्जावणमियवयणो, मेघरहं भणइ विज्जुमाली वि । बंधव ! तं कयकिच्चो, विज्जुट्ठो(ज्जड्ढो) जासु वेयढे ॥१००१।। नीसत्तेण मया पुण, भग्गो नियनियमभूरुहो भाय ! । तत्ता मे तप्पभवं, विज्जासिद्धीफलं कत्तो ? ॥१००२॥ चइउं इमा वरागी, गब्भवई नेव जुज्जए मज्झ । साहियविज्जेण तए , असिद्धवज्जो य लज्जेमि ॥१००३॥
15
25
Jain Education International 2010_02
For Private & Personal Use Only
www.jainelibrary.org
