________________
३२६
श्रीधर्मविधिप्रकरणम् रन्ना वि नियपियाए , तीए दुच्चारिणीइ मुणणत्थं । कारिय किलंजहत्थि, भणियाओ सव्वभज्जाओ ॥९१४॥ जं अज्ज मए सुमिणो, दिट्ठो निसि ता इमो किलंजकरी । भवईहि विवत्थाहिं, आरुहियव्वो पुरो मज्झ ॥९१५॥ तह कुव्वंति पियाओ, ताओ पुरओ निवस्स एगंते । सा पुण पभणइ एगा, बीहेमि इमस्स हत्थिस्स ॥९१६।। नीलुप्पलनालेणं, तं पिढे हणइ नरवई कुविओ । काऊण कवडमुच्छं, भूमीए निवडिया सा वि ॥९१७॥ अह निच्छइ(या)यं रन्ना, बुद्धीए सा इमा दुरायारा । जा मिठे आसत्ता, नाया थविरेण रयणीए ।९१८॥ पिक्खइ य निवो तीसे, पिटुं संकलपहारसंवलियं । नहअच्छोडणपुव्वं, हसियं काऊण इय भणइ ॥९१९।। खिल्लसि मत्तगएणं, किलंजहत्थिस्स बीहसे पावे ! । सहसे संकलघायं, उप्पलघाएण मुच्छिहसि ॥९२०॥ अह जलिरकोवदहणो, राया वेभारपव्वए गंतुं । आधोरणाधमं तं, आणावइ करिवरारूढं ॥९२१॥ तब्बीयं तं भज्जं, आरोवाविय गयस्स पिट्ठम्मि । अह उग्गसासणो सो, निवई इय मिंठमाइसइ ॥९२२॥ विसमम्मि गिरिपएसे, चडियं काऊण करिवरं एयं । पाडसु तम्मि पडते, तुम्हाणं निग्गहो होउ ॥९२३।। आधोरणो गइंदं, तं आरोविय गिरिस्स सिंगम्मि । उक्खित्तएगपायं, धारइ चरणत्तिगेण थिरं ॥९२४॥ इत्तो य जंपइ जणो, हाहा आणाविहाइणो पसुणो । करिरयणस्स विणासा, न जुज्जए तुज्झ निवरयण ! ॥९२५।। अवगन्निय जणवयणं, निवस्स पाडसु गयं ति भणिस्स । सिकखाविऊण मिठो, तं धारइ दोहि पाएहिं ॥९२६।।
15
20
25
Jain Education International 2010_02
For Private & Personal Use Only
www.jainelibrary.org
