________________
३२१
अष्टमं सद्धर्मफलद्वारम्
तो तं पभणइ भगवइ ! अवमाणो एस मज्ज पसिऊण । खमियव्वो सा पावा, इत्तो तुमए न वत्तव्वा ॥८४९॥ तत्तो सो तरुणनरो, रयणिमुहे कसिणपंचमिदिणम्मि । पच्छिमदारेण गओ, असोगवणियाइ मज्झम्मि ॥८५०॥ दिट्ठो य पहालोयण-पराइ सो तीइ तेण एसा वि । वीवाहे इव तेसि, अह तारामेलओ जाओ ॥८५१॥ अग्गे वि एगचित्ताइ, ताइ एगीभवंतदेहाई । आलिंगति तया दिढ-मण्णवनइउ व्व अन्नुन्नं ॥८५२॥ वत्ताहिं पेमसंग-ब्भियाहि नवनवरएहि रमियाणं । तेसिं रइ व्व निद्दा , पत्ता निसिपहरदुगसमए ॥८५३।। इत्तो य देवदत्तो वि, कायचिंताकए समुढेउं । पत्तो असोगवणियं, पेक्खेई ताई सुत्ताई ॥८५४॥ तो चिंतइ नियहियए , धी पावा मह वहू इमा एवं । पुरपुंसा सह सुरए , परिसंता निब्भरं सुयइ ॥८५५॥ तो गंतुं वासगिहे, सुत्तं पुत्तं विलोइउं वलिओ । परपुरिस एव एसु , त्ति निच्छिउं चिंतइ पुणो वि ॥८५६॥ आगरिसामि इमाए , सुण्हाए पायनेउरं सणियं । जह मन्नइ मह तणुओ, कल्ले कहियं असइमेयं ॥८५७॥ इय चोरो इव सणियं, आगरिसिय चरणनेउरं तीसे । भवणम्मि देवदत्तो, पहेण तेणं चिय पविट्ठो ॥८५८।। पडिबुद्धा सुत्ता वि हु , उत्तारिज्जंतनेउरा सहसा । पाएण सभयसुत्ता, सुथोवनिद्दाभयाउ व्व ॥८५९॥ नाऊण सा वि ससुरेण, गिण्हियं चरणनेउरं मज्झ । उट्ठविय उववइं तं, भयभीया भासए एवं ।।८६०॥ जासु तुमं सिग्घं चिय, दिट्ठाई ससुरएण दुटेण । कह वि अणत्थे पत्ते, मह साहिज्जे जइज्ज तुमं ॥८६१॥
25
Jain Education International 2010_02
For Private & Personal Use Only
www.jainelibrary.org
