________________
३२०
10
श्रीधर्मविधिप्रकरणम् गिहकम्मवावडाए, तीए कुवियाइ पिट्ठिदेसे हं । मसिमलिणेण करेणं, पहया पिक्खेसु मह पुढें ॥८३६॥ चिंतेइ सो वि धुत्तो, संकेओ कसिणपंचमीइ धुवं । पंचंगुलिमसिहत्थ-प्पयाणओ तीइ मह दिन्नो ॥८३७।। दक्खत्तं किं पि अहो, तीसे संकेयवासरो जीए । एवं कहाविओ मह, हरिसं उव्वहसु हे हियय ! ॥८३८॥ संकेयदिणं कहियं, तीए ठाणं तु कत्थ वि न मज्झ । ता अज्ज वि मन्निज्जइ, तस्संगमसुक्खसंदेहो ॥८३९॥ तो पुणरवि पव्वाइय-माह न जाणासि माय ! तब्भावं । अणुरत्तु च्चिय मइ सा, ता अज्ज वि एगया भणसु ॥८४०॥ तीए भणियं पुत्तय !, सा तुह नामं पि न सहइ कुलीणा । सलिलारोवु व्व थले, ता दूइत्तं दुकरमेयं ॥८४१॥ तुह कज्जे संदेहो, मह पुण निब्भच्छणं असंदिद्धं । तह वि हु जाइस्से हं, अविलंबं नासिगारहिया ॥८४२।। इय भणिऊणं पत्ता, तहेव सा सुन्नयारभवणम्मि । अमयरससोयरेहिं, वयणेहिं तं वहूमाह ॥८४३॥ रूवेण अप्पतुल्लं, मुद्धे ! विलससु तुमं जुवाणं तं । विगयम्मि जुव्वणधणे, परितप्पसि किवण इव पच्छा ॥८४४।। अह दुग्गिला निब्भच्छण-पुव्वं गलए धरित्तु कुविय व्व । तं नीसारइ पच्छिम-दारेण असोगवणियाए ॥८४५।। पव्वाइया वि लज्जा-वसओ गोवियमुहा तओ गंतुं । अक्खेइ खेयखिन्ना, एगते कामिणो तस्स ॥८४६।। पुव्वं व वच्छ ! तीए, निब्भच्छिया ता धरित्तु गलयम्मि । पच्छिमअसोगवणिया-दारेणाकड्ढिया झत्ति ॥८४७॥ तं सोउं सो धुत्तो, चिंतइ नूणं असोगवणियाए । आगच्छिज्जसु तुममिय, संकेओ तीइ मह कहिओ ॥८४८।।
15
25
Jain Education International 2010_02
For Private & Personal Use Only
www.jainelibrary.org
