________________
३१९
अष्टमं सद्धर्मफलद्वारम्
दूई होऊण पुरा, सयमुत्ता सा नईइ मज्जंती । मह संगमं पवन्ना, चिट्ठइ ता तुह सुकरमिहि ॥८२३॥ एवं ति मन्निउं सा, सज्जो पव्वाइया परिभमंती । भिक्खाकवडेण गया, बुद्धिमई सुन्नयारगिहे ॥८२४।। थालीतलयक्खालण-वक्खित्तं देवदत्तवहुयं तं । पव्वाइया निरिक्खइ, तक्खणमेयं पयंपइ य ॥८२५।। भद्दे ! तरुणो एगो, मुत्तो इव वम्महो मह मुहेण । पत्थेइ तुमं रंतुं , ता अक्खउ कत्थ सो एउ ॥८२६॥ रूवेणं बुद्धीए , वियड्डिमाए कलाकलावेण । अप्पसमंतं पाविय, जुव्वणतरुणो फलं गिण्हं ॥८२७॥ जइया नईइ दिट्टा, मज्जंती तद्दिणाउ तुममेव । झायंतो सो न मुणइ, नामं पि हु अन्ननारीणं ॥८२८॥ अह दुग्गिला वि धुत्ता, गोवंती नियमणोगयं भावं । तं पव्वाइयमेवं, तर्जे (ज्जे) कडुयवयणेहिं ॥८२९॥ किं पावे ! पीयसुरा, तुममेवं जं ममं पयंपेसि । अकुलीणारिहमेयं, किं छज्जइ कुलपसूयाण ? ॥८३०॥ आ दुढे जासु बहि, लोवं व तुमं अदंसणा होसु । तुह दंसणे वि पावं, का वत्ता भासणम्मि पुणो ॥८३१॥ इय तज्जिऊण तीसे, पच्छावलियाइ दुग्गिला देइ । निम्मलभित्तीए इव, पुटुम्मि मसी मलिणहत्थं ॥८३२॥ तब्भावं अमुणंती, गंतुं पव्वाइया विलक्खमुहा । तं जंपइ दुस्सीलं, पुरिसं इय परुसभणणेण ॥८३३।।
आ दुट्ठ ! तुमं जुटुं , जंपसि एसाणुरागिणी मइ जं । तीइ सइत्तेणाहं, सुणीव निब्भत्थिया तत्थ ॥८३४।। तीए कुलंगणाए, मम दूइत्तं मुहागयं मुद्ध ! । जं भित्तीए चित्तं, चउरो वि हु लिहइ चित्तयरो ॥८३५।।
15
25
Jain Education International 2010_02
For Private & Personal Use Only
www.jainelibrary.org
