________________
३१६
10
श्रीधर्मविधिप्रकरणम् ता नाह ! अम्ह भणियं, अगणंतो पत्तविसयसुहविमहो । सो वानरु व्व तुममवि, तप्पंतो किं पि न लहेसि" ॥७८४॥ "जंपइ जंबूकुमरो , सच्चमिमं हे पउमसिरिकंते ! । किं तु विसएसु तिसिओ, नाहं अंगारकारु व्व ।।।७८५।। जह पुव्वं अडवीए, पत्तो अंगारकारओ को वि । अंगारकरणहेउं, गिम्हे गहिओदगो पाउं ।।।७८६॥ एगागी अंगारे, कुव्वंतो वह्नितवियसव्वंगो । तह तवणतावतत्तो, जाओ अच्चंततिसिओ सो ॥७८७।। तणुसेगेण वरागो, वारंवारं च वारिपाणेण । सो वणकरि व्व सव्वं, पासठियं निट्ठवइ सलिलं ॥७८८॥ सव्वेणावि जलेणं, पीएणंगारकारिणो तस्स । तण्हा न मणागं पि हु, उवसमई अग्गितिल्लं व ॥७८९॥ तत्तो जलासयं पइ, सो चलिओ जाव सलिलपाणकए । ताव वरागो पडिओ, तण्हंधो अद्धमग्गे वि ॥७९०॥ सो निवडंतो कस्स वि, रुक्खस्स तलम्मि दिव्वजोगेण । पडिओ सीयलछायाइ, अमयवावीसमाणाए ॥७९१॥ अह आसासिज्जंतो, तरुमूले तीइ सीयछायाए । सो पावेइ मणागं, सुहवारितरंगिणि निदं ॥७९२।। सुमिणम्मि वाविसरवर-कूवाईए जलासए सव्वे । सोसेइ सो मंत-प्पउत्तअग्गेयबाणु व्व ॥७९३॥ तह वि अविच्छिन्नो, तण्हाए सो जलं गवसंतो । पिक्खेइ अंधकूवं, एगं पंकाउलजलिल्लं ॥७९४॥ तो दब्भमयं रज्जु , काउं कुसपूलयं निबंधित्ता । पक्खिवइ तम्हि कूवे, बोलेइ य तज्जले गडुले ॥७९५।। अह पूलयमाकड्डिय, तग्गलियजलं लिहेइ जीहाए । तह वि न तिप्पइ एसो, कहं पि दाघज्जरत्तु व्व ॥७९६।।
15
20
25
Jain Education International 2010_02.
For Private & Personal Use Only
www.jainelibrary.org
