________________
३०८
श्रीधर्मविधिप्रकरणम् खरचरणपहारेहिं, तं मद्दइ मट्टियं कुलालु व्व । तह निहणइ जट्ठीए, कुक्कुरमिव नियघरपविटुं ॥६८०।। किं बहुणा सत्थाहो, करेइ तं अद्धमारियं तत्थ । जारं पइ जह कोवो, न तहा चोरम्मि माणीण ॥६८१॥ तत्तो महेसरेणं, मुत्तेण कयंतमुत्तिणा तेण । सो तह मारिज्जतो, नीहरिआ अग्गओ कह वि ॥६८२॥ गंतूण थोवभूमि च, निवडिओ गंगिलाउववई सो । कंठपएसप्पत्त-प्पाणो एयं विचिंतेइ ॥६८३॥ सुक्खं सरसवमित्तं, दुक्खं पुणगिरिवराउ अब्भहियं । तहवि हु न कुणइ लोओ, परदारपरंमुहं दिढेि ॥६८४॥ तेण हओ नियमहिमा, दिन्नो मसिकुच्चओ नियकुलम्मि । हारवियं सुहडत्तं, जेणभिरमियं परकलत्तं ॥६८५॥ धी गरिहियकम्ममिमं, मए कयं नृणमच्चुकामेण । ता कामियं व तित्थं, अहुणा मरणं मह हवेउ ॥६८६॥ एवं सो चिंतंतो, मरिऊण सयम्मि चेव बीयम्मि । तक्खणुवभुंजियगं-गिलाइ उयरे समुप्पन्नो ॥६८७।। समए य सुओ जाओ, अह सत्थाहो तमन्नजायं पि । नियतणुजं मन्नतो, लालेई वाहलारु व्व ॥६८८।। तीसे य गंगिलाए , पसूयपुत्ताइ सत्थवाहो सो । तं पुव्वदुसीलत्तं, वीसारइ पुत्तनेहेण ॥६८९॥ तस्सुववइजीवस्स य, महेसरो पत्तपुत्तमुत्तिस्स । लज्जेइ न कुव्वंतो, धाईकम्माइ अणवरयं ॥६९०॥ तं बालं वटुंतं, आगरिसंतं च कुच्चकेसाई । सो तद्धणं इव अत्थं, हिययग्गठियं सया धरइ ॥६९१।। अन्नदिणे सत्थाहो, संवच्छरियम्मि निययजणगस्स । तं पिउजीवं महिसं, गिण्हइ मुल्लेण मंसकए ॥६९२॥
25
Jain Education International 2010_02
For Private & Personal Use Only
www.jainelibrary.org,
