________________
३०७
10
अष्टमं सद्धर्मफलद्वारम्
नयरीइ तामलित्ता-भिहाइ पुव्वं पसिद्धसत्थाहो । आसि महेसरदत्तो, जहत्थनामो नियधणेण ॥६६७॥ तस्स य तणओ जाओ, समुद्ददत्तु त्ति नाम विक्खाओ । वित्ते अजायतित्ती, समुद्द इव अत्थपूरम्मि ॥६६८॥ मायापवंचबहुला, बहुला नामेण तस्स माया य । लोभावकरगहिल्ला, मुत्ता माय व्व अत्थस्स ॥६६९॥ अह सो वि तस्स जणओ, अच्चत्थं अत्थसंचयव्वसणी । मरिऊण समुप्पन्नो, महिसो तत्थेव देसम्मि ॥६७०॥ पइमरणाउ कुणंती अट्टज्झाणानले पयंगत्तं । माया वि तस्स मरिउं, तत्थेव सुणी समुप्पन्ना ॥६७१।। घरणी महेसरस्स वि, संजाया गंगिल त्ति नामेण । गउरी महेसरस्स व, उदग्गसोहग्गपरिकलिया ॥६७२।। ससुरयसासूहीणा , गिहम्मि एगागिणी वसंती सा । सच्छंदचारिणित्तं , पत्तारण्णम्मि हरिणि व्व ॥६७३।। वच्चंती (वंचंती) निययपई, सह अन्ननरेण सा रमइ निच्चं । दूरे अप्पवसाणं , नारीण सइत्तणं जेण ॥६७४॥ एगागिणिं रहत्थं , सवसं अबलं पलोइउं सहसा । निब्भयइ (य) निस्संकं, पहरइ मयरद्धओ नूणं ॥६७५॥ अन्नम्मि दिणे तीसे, सह परपुरिसेण अभिरमंतीए । पत्तो गिहे अकम्हा, महेसरो दारदेसाओ ॥६७६।। तं दद्रुमुववई सो, भज्जा वि हु दो वि भमिरनयणाई । विस्सत्थकुंतलाइं , परिहियविवरीयवत्थाई ॥६७७।। सुरयावासभएहिं , ताइं कंपंतसयलगत्ताई । तक्खणचडियजराणि व, पक्खलियगईणि जायाई ॥६७८।। अह सो धरइ उववई , केसचए लुद्धउ व्व भल्लूगं । ताडइ य चवेडाहिं , मंतिय इव भूयसंगहियं ॥६७९।।
15
25
JainEducation International 2010_02
For Private & Personal Use Only
www.jainelibrary.org
