________________
5
10
15
20
25
३०६
Jain Education International 2010_02
श्रीधर्मविधिप्रकरणम्
तणओ वि मए भणिओ, जं एस सवक्किकुक्खिसंभूओ । ससुरो हवेइ एवं, जमिमो मह देवरस्स पिया ||६५४॥ जा बालयस्स माया, सा माया मज्झ जेण तज्जा हं । तह सासुया हवेई, एसा जं भत्तुणो जणणी ||६५५॥ भाउज्जाया भणिया, मए इमा बंधवस्स घरिणि त्ति । वुत्ता वहू. वि एसा, सवक्किपुत्तस्स जं भज्जा ॥६५६॥ एसा पियामही पुण, मह पित्तियगस्स होइ जं जणणी । भणिया इमा सवक्की, जं भज्जा भत्तणो बीया ॥६५७॥ इय बालयस्स पुरओ, पढियं गाहातिगं जहकमेण । विवरिय अक्खइ अज्जा, धम्मं च कुबेरदत्तस्स" ॥६५८॥ तो पुव्वगोवियं तं, आकड्ढियमुद्दियं समप्पइ य । तं दğ सो सव्वं, जाणइ संबंधविप्पलयं ॥६५९॥ तत्तो कुबेरदत्तो, संवेगं पाविऊण पव्वइओ । गुरुपासे तविय तवं, मरिऊण य सुरसिरिं पत्तो ||६६०|| वेसा पुण गिहिधम्मं, सम्मं पडिवज्जिऊण पालेइ । अज्जा वि हु संपत्ता, पुणरेव पवित्तिणीपासे ॥६६१॥ एवं जो कम्मेहिं, बज्जेइ सयं पि पभव ! का तत्थ । मूढाण बंधुबुद्धी, सिप्पाए रुप्पयमइ व्व ॥ ६६२॥ जो त् ! सयमबंधू ( धो), अन्नेसिं बंधमोयगो जो य । स खमासमणो बंधू, नामेणं बंधुणो अन्ने ॥६६३॥ पभवो पुणो वि पभणइ, कुमर ! तुमं नियपिऊण कुईए । निवडंताणं तायण-करण सुयमप्पणो जिणसु ॥ ६६४ ॥ पियरो पडंति नरए, नूणं संताणवज्जिया संता । ता तं अजायपुत्तो, कह छुट्टसि नियपिउरिणस्स ||६६५॥ "जंपइ जंबूकुमरो, सुयाउ पिउतारणं ति वामोहो । सुसु महेसरदत्तो, सत्थाहो इह उदाहरणं ॥ ६६६॥
For Private & Personal Use Only
www.jainelibrary.org
