________________
अष्टमं सद्धर्मफलद्वारम्
ता इत्तो मज्झगिहा - सन्ने गिहित्तु तुममिमं वसहिं । होसु मह सन्निहित्था-सयकालं इट्ठदेवि व्व ॥६४१॥ तत्तो य सपरिवारा, तीसे कल्लाणकामधेणू सा । अज्जा कुबेरदत्ता, रहिया तद्दिन्नवसहीए ॥६४२॥ गणिया कुबेरसेणा, तं नियपुत्तं दिवानिसं तत्थ । आगंतुं अज्जा, पुरओ मंचइ भुवि लुठंतं ॥६४३ ॥ बुज्झइ जो जह जंतू, सो तह बोहिज्जइत्ति सा अज्जा । तप्पडिबोहनिमित्तं तं बालं उल्लवइ एवं ॥ ६४४॥
"बालय ! भाया सि तुमं, पुत्तसुओं देवरो सि तणओ सि । भत्तिज्जो पित्तियगो, इय मज्झ हवेसिं एगो वि ॥ ६४५ ॥ जो ते बालय ! जणओ, सो मज्झ हवेइ सोयरो नूणं ।
44
ओ पियामो तह, भत्ता ससुरो य तणओ य ॥ ६४६ ॥ जा बालय ! ते माया, सा मह माया हवेइ सासू य । भाउज्जाया य वहू, पियामही तह सवक्की य" ॥६४७ ॥ अह तं कुबेरदत्तो, सोउं जंपइ किमेरिसं अज्जे ? । अन्नुन्नविरुद्धत्थं, पभणसि नणु विम्हओ मज्झ ॥६४८॥ 'अज्जा जंपइ बालो, मह भाय भद्द ! एगजणणी जं । पुत्तसुओ पुण एसो, सविक्क (वक्कि ) पुत्तेणं जं जाओ ||६४९|| तह देवरो वि एसो, मह पइणो सोयरो हवइ जम्हा । तणओ पुण अक्खाओ, जं पुत्तो भत्तुणो मज्झ ॥६५०॥ भत्तिज्जओ वि एवं भणिओ जं मज्झ भाउणा तणओ । पित्तियगो वि हवेई, जं जणणी भत्तणो बंधू ॥६५१ ॥ जो भद्द ! इमस्स पिया, सो मह भाया सहोयरत्तेण । जओ वि मए भणिओ, एसो जणणीपइत्तेण ॥६५२ ॥ उग्घोसामि पियामह - मेयं चिय पित्तियस्स पियरं ति । अहमिमिणा परिणीया, ता एस पई मए वुत्तो ||६५३||
Jain Education International 2010_02
For Private & Personal Use Only
३०५
5
10
15
20
25
www.jainelibrary.org
