________________
३०४
श्रीधर्मविधिप्रकरणम् तत्थ य ववहारेणं, अच्चत्थं सो उवज्जए अत्थं । रहिओ य चिरं जुव्वण-उचियं सिच्छाइ विलसंतो ॥६२८।। अन्नदिणे नियदविणं, दाऊणं तेण असमरूवधरा । सा गणिया नियजणणी, कुबेरसेणा कया घरिणी ॥६२९॥ तीए सह विसयसुहं, से भुजाणस्स नंदणो जाओ । तं नत्थि संविहाणं, संसारे जं न संभवइ" ॥६३०॥ "तइया कुबेरदत्ता, वि गिहगया पुच्छए निययमायं ।
सा वि हु तहेव अक्खइ, मंजूसालाभओ सव्वं ॥६३१।। निययकहाए तीए , तक्खणमासाइऊण निव्वेयं । गिण्हइ कुबेरदत्ता, जिणदिक्खं मुक्खतरुबीयं ॥६३२।। तं मुद्दियं पि गोविय, पव्वज्जंती धरित्तु नियपासे । विहरइ सह गुरुणीए , परीसहे सा सहंती य ॥६३३।। दुक्करतवनिरयाए , तीए गुरुणीपयाण भत्ता(त्ती)ए। तवपायवस्स पुष्पं व, अवहिनाणं समुप्पन्नं" ॥६३४।। "चिट्ठइ कुबेरदत्तो, कत्थ कहं वि त्ति सा वि चितंती । पेक्खइ कुबेरसेणा-गब्भुब्भवपुत्तसहियं तं ॥६३५।। अह सा मणम्मि खेयं, उव्वहइ सहोयरो अहह मज्झ । अकरणपंकनिमग्गो, ही कह चिट्ठइ वराहु व्व ॥६३६॥ अह तप्पडिबोहकए , तत्तो महुरापुरिम्मि सा अज्जा । सह संजईहिं पत्ता, करुणारससारणी कमसो ॥६३७।। तत्त य कुबेरसेणं, गिहम्मि गंतूण धम्मलाभेइ । मग्गइ य तीइ पासे, वसहिं उवसमसिरी मुत्ता ॥६३८॥ नमिउं कुबेरसेणा, जंपइ पणसुंदरी अहं अज्जे ! । एगपइत्तेणहुणा, चिट्ठामि पुणो कुलवहु व्व ॥६३९।। कुलवहुवेसो एसो, कुलीणपइसंगमाउ मह अज्जे ! । धन्नाऽहमित्तिएण वि, जं अज्जपसाइया तुमए ॥६४०॥
15
20
25
Jain Education International 2010_02
For Private & Personal Use Only
www.jainelibrary.org
