________________
२९९
10
अष्टमं सद्धर्मफलद्वारम्
अह उड्डियाउ तोमर-मुहाउ महुक्खियाउ सव्वत्तो । महुमंडवं चइत्ता, करिनिहणिज्जंतसाहाओ ॥५६३॥ तो ताओ तं पुरिसं, डसंति संदंससरिसतंडेहिं । कीकसविस्संतेहिं, जीवाकरिसणपरेहिं व ॥५६४।। वडठियमहुकोसाओ, महुबिंदू तस्स भालवट्टम्मि । निवडेइ वारवारं , गलतिया वारिबिंदु व्व ॥५६५।। बिंदू वि निलाडाओ, पविसइ लुढिऊण तस्स मुहकुहरे ।
सो तं रसआसाइय, महासुहं मन्नइ मणम्मि" ॥५६६॥ "ता निसुणसु पभव ! तुमं, एयस्स कहाणयस्स परमत्थं । जो पुरिसो सो जीवो, जा अडवी भवठिई सा य ॥५६७।। जो हत्थी सो मच्चू , जो कूवो सो य मणुयभवलाभो । जो अजगरो स नरओ, जे अहिणो ते चउक्कसाया ॥५६८॥ वडयाओ पुण आऊ य, सियकसिणा मूसगा य जे य दूवे । तो दो वि सुक्ककसिणा, पक्खा आउक्खछेयकरा ॥५६९।। जाओ पुण मक्खियाो, वाहीओ ताओ जो य महुबिंदू । तं मित्त ! विसयसुक्खं, ता रज्जइ तम्मि को विउसो ॥५७०॥ विज्जाहरो सुरो वा, जइ तं कवाउ को वि उद्धरइ । ता मित्त ! मंदभग्गो, सो पुरिसो इच्छइ न वा किं ? ॥५७१॥ पभवो पभणइ को नाम, मित्त ! दुहसायरम्मि मज्जंतो । निच्छइ तरंडतुल्लं , उवयारपरायणं पुरिसं" ॥५७२।। जंपइ जंबू ता हं, वयस्स ! भवसायरे अपारम्मि । मज्जामि किं तु (नु) गणहर-देवे नित्थारगे संते ॥५७३।। अह आह पभवकुमरो, निठुर ! मह कहसु कह तुमं वयसि । पियराइं नेहलाई , अणुरत्ताओ य गिहिणीओ ॥५७४॥ जंपइ जंबूकुमारो, बंधव ! को नाम बंधुनिब्बंधो । जं बज्झइ बंधू वि हु, कम्मेहि कुबेरदत्तु व्व ॥५७५॥
15
20
25
Jain Education International 2010_02
For Private & Personal Use Only
www.jainelibrary.org
