________________
२९८
श्रीधर्मविधिप्रकरणम् तुममेसोऽहं मारे-मि जाहि जाहि त्ति पेरयंतु व्व। निहणइ पुणो पुणो तं, पिटे करसीकरेहि करी ॥५५०॥ निवडंत उप्पडतो, कंदुग इव सो नरो भयाउलिओ । तणछन्नकूवमेगं, पत्तप्पाओगएणावि ॥५५१॥ जीवियहरो अवस्सं, हत्थी कूवे जियामि कहवि त्ति । सो देइ तत्थ झंपं, दुच्छड्डा जीवियासा जं ॥५५२॥ अवडस्स तडम्मि वडो, तस्स य एगो परोहओ दीहो । चिट्ठेइ कूवमझे, लंबंतो भुजगभोगं व ॥५५३॥ सो पुरिसो निवडतो, कूवे तं पायमंतरा पप्प । अवलंबिय लंबंतो, रज्जुब्बंधियघडि व्व ठिओ ॥५५४।। खिविऊण कूवमझे, करं करी तस्स फरिसए सीसं । तं च न सक्कइ गहिउं, ओसहमिव भग्गपरिहीणो ॥५५५।। अह सो वि नरो हिट्ठा, भग्गविहीणो निरिक्खए जाव । ता पिक्खइ कूवतले, उवविढे अजगरं गरुयं ॥५५६।। तं अजगरो वि उवरिं, पिक्खियनिवडंतभक्खबुद्धीए । पवियासइ नियवयणं, कूवंतो अवरकूवं व ॥५५७|| चउसु वि पक्खेसु तहा, पिक्खइ स नरो भुयंगमे चउरो । पाणावहारदक्खे, तिक्खे बाणे इव जमस्स ॥५५८॥ तं डसिउं दुट्ठमणा, विहियफणा ते भुयंगमा तत्थ । फुक्कारफारपवणे, मुयंति धमणीइम(व)मुहेहिं ॥५५९॥ तं वडपरोहमुवरि , छित्तुं दो मूसगा धवलकसिणा । दंतकरवत्तविसयं, कुब्वंता तेण दिट्ठा य ॥५६०॥ अह सो वि वणगइंदो, परिकुद्धो तं नरं अपावंतो । निहणइ वडसाहं, तं वडतरुमुप्पाडयंतु व्व ॥५६१॥ अंदोलिज्जंतेणं, वडस्स पाएण सो नरो सुदिढं । विहियकरचरणबंधो, निम्मवई मल्लजुद्धं च ॥५६२॥
15
20
25
Jain Education International 2010_02
For Private & Personal Use Only
www.jainelibrary.org
