________________
अष्टमं सद्धर्मफलद्वारम्
"जंबू भणइ इमाओ, नवपरिणीयाउ अट्ठ वि पियाओ । परिचइऊण पभाए, पव्वज्जिस्सामि अममो हं ॥ ५३७ ॥ इहिप हु पभव ! अहं, भावजइत्तेण इत्थ चिट्ठामि । तेण अवस्सावणिया, विज्जा वि हु पभविया नेव ॥ ५३८ ॥ मित्त ! इस्सामि सिरिं, एयं तिणमिव पभायसमयम्मि । ता किं मह विज्जाए, कज्जं देहे वि अममस्स" ॥५३९ ॥ तमवस्सावणिविज्जं, अह संवरिऊण पभवचोरो वि । पणमिय जंबुकुमारं, जंपर बद्धंजली पुरओ ॥५४० ॥ "मित्त ! तुमं विसयसुहं, भुंजसु नवजुव्वणो जहिच्छाए । अणुकंपं काऊणं, नवपरिणीयाण एयाण ॥५४१॥
याहिं सह पियाहिं, मित्त ! तुमं होसु मुत्तभोगफलो । पव्वज्जावि हु गहिया, पच्छा सोहिस्सए तुज्झ" ॥५४२ ॥ "अह भणइ जंबुकुमरो, वयस्स ! विसओवभोगजं सुक्खं । तुच्छं अवायबहुलं, ता किं दुहहेउणा तेण ॥ ५४३॥ विसयाणं सेवाए, सुहमप्पं पभव ! सरिसवाओ वि । महुबिंदुगिद्धपुरिसस्स व, दुक्खं गरुयमिहं सुणसु ॥५४४॥ को वि नरो किर पुव्वि, बहुविहदेसंतरेसु भममाणो । सत्थेण सह पविट्ठो, अडविं बहुचोरदुग्गमं ॥ ५४५॥ तं सत्थं लूडेडं, तक्करवग्घा पहाविया तत्थ । तो हरिण व्व पणट्ठा, भयतट्ठा सत्थिया सव्वे ॥ ५४६ ॥ सो पुण नरो पविट्ठो, भट्ठो सत्थाउ तं महाअडविं । उल्लट्टियकूवोदग-मिव कंठगएहि पाणेहिं ॥ ५४७॥ तत्तो गिरि व्व उच्चो, झरंतमयनिज्झरो वणगइंदो । गुंजारुणनयणजुओ, गज्जंतो जलहररवेण ॥ ५४८ ॥ अवनामंतो पुहविं, अंतो सुहिरं व चरणघाएहिं । कुविओ जमु व्व मुत्तो, तं पुरिसं पइ पहावेइ ॥५४९ ॥
Jain Education International 2010_02
For Private & Personal Use Only
२९७
5
10
15
20
25
www.jainelibrary.org
