________________
10
अष्टमं सद्धर्मफलद्वारम्
२९३ अम्हेहि वच्छ ! जाओ वरियाओ संति अट्ठ कन्नाओ । ताओ विवाहिऊणं पूरेसु समीहियं अम्ह ॥४८५।। एवं काऊण तुमं, कुमार ! गिण्हसु वयं पि निव्विग्छ । पच्छा पव्वज्जामो, वयं कयत्था समं तुमए ॥४८६।। कुमरो पभणइ पुज्जा, एयम्मि कयम्मि दिक्खगहणाओ। वारेयव्वो नाहं, भोयणकरणाउ छुहिउ व्व ॥४८७॥ होउ इमं ति भणित्ता, सिट्ठी कन्नापिऊण अट्ठण्हं । आहविउण तक्खण-मक्खइ करुणापरो एवं ॥४८८॥ कन्नासु परिणियासु वि, गिहिस्सि मह सुओ धुवं दिक्खं । परिणयणं पि हु मन्नइ, एसो अम्होवरोहेण ॥४८९॥ जइ पच्छा वि हु तुब्भे, पच्छुत्तावं करिस्सह कया वि । ता मा कुणह विवाहं, अम्ह कहताण न वि दोसो ॥४९०।। तो ते अट्ठ वि इब्भा, बंधुकलत्ताइसंजुया सव्वे । संपइ किं कायव्वं, इय निण्णियदुक्खिया जाया ॥४९१॥ सोऊण तेसि मंतं, कन्नाओ ताउ इय पयंपंति । किं मंतिएण बहुणा, सुणंतु निण्णयमिमं पियरा ॥४९२॥ जंबूकुमरस्स वयं, दिन्नाओ ता स एव अम्ह पई । अन्नस्स न देयाओ, जणो वि एयं पढइ जम्हा ॥४९३।। "सकृज्जल्पन्ति राजानः, सकृज्जल्पन्ति धामिकाः । सकृत्कन्याः प्रदीयन्ते, त्रीण्येतानि सकृत् सकृत्" ॥४९४॥ 20 ता नियपिऊहि अम्हे, दिन्नाओ रिसहदत्ततणयस्स । सु च्चिय अम्हाण गई, तव्वसजीयाण जाजीवं ॥४९५।। पव्वज्जं इयरं वा, जं जं जंबू करिस्सइ इयाणिं । तं चिय पइभत्ताणं, अम्हाणं जुज्जए काउं ॥४९६॥ तो कन्नापियरेहिं, कहावियं रिसहदत्तसिट्ठिस्स । पगुणीहोह विवाहे, पमाणमिह पढमवत्ताओ ॥४९७॥
25
Jain Education International 2010_02
For Private & Personal Use Only
www.jainelibrary.org
