________________
२९२
10
श्रीधर्मविधिप्रकरणम् इय जाव दुवारंतर-मागच्छइ रहवरट्ठिओ जंबू । ता सज्जीकयजंतं, वप्पं तत्थ वि निरक्खेइ ॥४७२॥ वप्पोवरिजंतेसुं , पिक्खेइ सिलाउ लंबियाओ य । गयणंगणाउ निवडत-वज्जगोलयसरिच्छो ॥४७३॥ चिंतइ परचक्कभया, उवक्कमो एस एरिसो एत्थ । ता दारेण इमेण वि, अणत्थबहुलेण किं मज्झ ॥४७४॥ गच्छंतस्स य इमिणा, मग्गेणं मज्झ जइ सिला उवरिं । निवडइ ता नेव अहं, न रहो न य सारही अहुणा ।।४७५।। एवं च जायमरणो, अविरयचित्तो लभिज्ज कुगइमहं । ता गंतुं गुरुपासे, किंचि वि विरओ भविस्सामि ॥४७६।। इय वालिऊण पच्छा, निययरहं वक्कगह इव कुमारो । गुरुपयपउमसणाहं , समागओ तं पुणो ठाणं ॥४७७।। तत्तो सुहम्मसामि, पणमिय इय विन्नवेइ पहु इत्तो । मह होउ बंभचेरं, जाजीवं तिविहतिविहेण ॥४७८॥ अह गुरुणाणुन्नाओ, नियम पडिवज्जिऊण रिसहसुओ । सुकयत्थं अप्पाणं, मन्नंतो आगओ गेहे ॥४७९॥ साहइ पियराण पुरो, निसुओ धम्मो सुहम्मपहुपासे । अज्ज मए ता तुब्भे, मुयहं ममं संजमं गहिउं ॥४८०॥ पियराइँ रुयंताई , भणंति गग्गयसरेण मा वच्छ । अप्पत्थावे अम्हं , आसातरुछेयणं कुणसु ॥४८१॥ चिंतेमो वयमेवं , तुममिहि वच्छ ! होसि सवहूओ । पिक्खिस्सामो य लहुँ , मुहकमलं तुह अवच्चाण ॥४८२॥ को संजमस्स समओ, एयारिसजुव्वणम्मि तुह वच्छ ! । आयारमिमस्सुचियं, किं न मणागं पि इच्छेसु ॥४८३॥ जइ वि तुह वच्छ ! वट्टइ, वयगहणे अग्गहो अइमहंतो । मन्नसु तहा वि किंचि वि, अलंघणिज्जा जओ गुरुणो ॥४८४॥
15
25
Jain Education International 2010_02
For Private & Personal Use Only
www.jainelibrary.org
