________________
5
10
15
20
25
२८६
Jain Education International 2010_02
श्रीधर्मविधिप्रकरणम्
सलिलं सरोवरस्स व फलं व पहतीरसंठियदुमस्स । तस्स धणं संजायं, उवयारकए न कस्सेह ॥ ३९५ ॥ भज्जा य धारिणी से, जा सीलाइगुणेहि विमलेहिं । लीणा नियपइहियए, समुद्दमज्झम्मि गंग व्व ॥३९६॥ नहमंसमिव परुप्पर - मविउत्ताणं निरंतरं तेसिं । दुसरीरिंगचित्ताणं, संजायमखंडियं पेमं ॥३९७|| चितेइ अन्नदियहे, निरवच्चा धारिणी नियमणम्मि | मह जम्मतरू अहलो, ही पुत्तुप्पत्तिफलवियलो ॥ ३९८ ॥ सीयत्तमुहुल्लासं, कुव्वंतो अमयरसइ वंगेसु । धन्नाणं नारीणं उच्छंगे नंदणो रमइ || ३९९ ॥ गिहवासो पावकए, तत्थ वि संताणवज्जिओ होही । ता एवमहं मन्ने कुभोयणं लवणरसरहियं ॥४००॥ कह तं चिंताविहुरा, इय पुट्ठा रिणी पिययमेण । कट्टेण तस्स साहइ, तं नियमण भवं दुक्खं ||४०१ || तं पुत्तप्पत्तिदुहं, जइ वि हु तीए समप्पियं पइणो । तह वि न हीणं जायं, व ंतं दुण्ह वि मणेसु ॥ ४०२ ॥ निच्चं मणसल्लेणं, दुक्खेणं तेण धारिणी किसिया । बीयदिणुग्गमससहर-कलोवमं सा समुव्वहइ ॥ ४०३|| अन्नदिणे तब्भत्ता, दुहवीसारणकएण तं भणइ । जामो वेभारगिरिं, कीलामो तत्थ उज्जाणे ॥ ४०४॥ अह तं पणो वयणं, पडिवज्जइ धारिणी तह च्चेव । चिंतेइ हवउ एवं पि, हिययदुक्खाण वीसरणं ॥४०५॥ तत्तो य रिसहदत्तो, तक्खणपगुणीकए रहवरम्मि । वरहंसरोमकोमल - तूलीए तीइ सह चडिओ ||४०६ ॥ संजोइयवरतुरयं महारहं सहसकिरणरहसरिसं । अहिरूढाई ताई, वेभारगिरिं पइ वयंति ॥ ४०७||
For Private & Personal Use Only
www.jainelibrary.org
