________________
10
10
अष्टमं सद्धर्मफलद्वारम्
२८५ अह भणइ सिवकुमारो, मित्त ? अहं जाव ठामि गेहम्मि । ता छट्ठस्स करिस्से, पारणमायंबिलेणाहं ।।३८२।। अह तस्स भावजइणो, वेयावच्चं करेइ इब्भसुओ । सामायारीनिउणो, मुणि व्व सुद्धासणाईहिं ॥३८३॥ वोलीणाइ दुवालस, वरिसाइँ सिवस्स इय तवंतस्स । पियरेहिं गुरुसमीवे, मोहाउ पुणो न सो मुक्को" ॥३८४॥
अह मरिउं सिवकुमरो, उप्पन्नो वि विज्जुमालिनामसुरो । पंचमकप्पे एसो सुरिंदसामाणिओ देवो ॥३८५॥ अज्ज वि इमस्स एसा, कंती आसन्नचवणसमयस्स । आसि पुरो पुण पंचम-कप्पाहिवसमरुई एसो ॥३८६।। चविउं एयम्मि पुरे , एसो सेणिय ! दिणम्मि सत्तमए । रिसहस्स सुओ जंबू , भविस्सई केवली चरमो ॥३८७॥ इय कहिऊणं विरए , वीरजिणे विज्जुमालिणि वयंति । चउरो वि तप्पियाओ, पुच्छंति पसन्नचंदमिमं ॥३८८॥ इत्तो विओइयाणं , अम्हाणं विज्जुमालिणा सद्धि । किं कत्थ वि संजोगो, पुणो वि होही न वा भयवं ? ॥३८९।। पभणइ पसन्नचंदो, चउरो इब्भा इमम्मि रायगिहे । चिटुंति समुद्दप्पिय-समुद्दसागरकुबेरभिहा ॥३९०॥ तेसि चउण्हं तुब्भे, चविउं चउरो भविस्सह सुयाओ । तुम्हाण तत्थ नियमा, अणेण सह संगमो होही ॥३९१॥ अह सेणियनरनाहो, सामि पणमिय समागओ नयरे । भयव पि वद्धमाणो, तत्तो विहरेइ अन्नत्थ ॥३९२॥ इत्तो रायगिहम्मि य, सेणियपरिसाविभूसणं सिट्ठी । नामेण रिसहदत्तो, नररिसहधुरंधरो वसइ ॥३९३॥ 'देवो अरिहा गुरुणो सुसाहुणो तेहि भासियं तत्तं' । एवं दिवानिसं पि हु , सो झायइ सिद्धमंतं व ॥३९४॥
15
20
25
Jain Education International 2010_02
For Private & Personal Use Only
www.jainelibrary.org
