________________
२८०
10
श्रीधर्मविधिप्रकरणम् आह मुणी भवदेवो, साहु तए साविए सुसिक्खविओ । पहिउ व्व उप्पहम्मी, लग्गो वि हु मग्गमाणीओ ॥३१७।। ता मिलिउं सयणाणं, वच्चिस्से हं गुरूण पासम्मि । वयअइयारं आलो-इऊण सुतवं करिस्सामि ॥३१८॥ अह नागिलाइ भणियं, किं ते सयणेहि लग्गासु सकज्जे । जेण तुह मुत्तिमंता, ते विग्घा दंसणे गुरुणो ॥३१९॥ ता गच्छ गुरुसगासे, दंतो होऊण धरसु वयममलं । गिहिस्सामि अहं पि हु, वयभारं साहुणीपासे ॥३२०॥ तो भवदेवो जिणचेझ्याइँ, वंदित्तु मणसमाहीए । पत्तो गुरुपासे कुणइ, किच्चमालोयणाईयं ॥३२१॥ अह अइयारविरहियं, सामण्णं पालिऊण भवदेवो । कयकालो सोहम्मे, जाओ देवो सुरिंदसमो ॥३२२॥ "इत्तो भवदत्तस्स य, जीवो चविऊण पढमकप्पाओ । विजयम्मि पुक्खलावइ-नामम्मि महाविदेहेसु ॥३२३॥ पुंडरीकिणिनामाए , नयरीए वज्जवत्तचकिस्स ।। देवीइ जसोहरना-मियाइ कुक्खिम्मि अवयरिओ ॥३२४॥ गब्भवसेणं देवीइ, दोहलो जलहिमज्जणे जाओ । तो जलहितुल्सीया-नईइ कीलाविया रन्ना ॥३२५॥ संपुण्णदोहला सा, अहियं वल्ली व धरइ लायण्णं । पुण्णे समए य सुयं, पसवइ पुव्वेव रविबिंबं ॥३२६।। अह तस्स सुहमुहुत्ते, देवीए दोहलाणुसारेण । पिउणा विच्छड्डेणं, सागरदत्तु त्ति नाम कयं ॥३२७।। धावीहि लालिओ सो, पयपाणाईहिं वड्डइ तरु व्व । भासणचंकमणखमो, जाओ अज्झाविओ पिउणा ॥३२८॥ चंदो इव सयलकला-संपुण्णो जुव्वणम्मि संपत्तो । परिणाविओ सयंवरकन्नाओ तो नरिंदेण ॥३२९॥
15
20
25
Jain Education International 2010_02
For Private & Personal Use Only
www.jainelibrary.org
