________________
२७९
5
10
अष्टमं सद्धर्मफलद्वारम्
मह इत्तियकालेणं, गलियप्पायम्मि जुव्वणे इण्हि । किं अज्ज वि लायण्णं, पुण्णासय ! इय विमंसेसु ॥३०४।। "मुत्तूण रयणतिगं, सग्गपवग्गप्पयाणदुल्ललियं । मा मं विगडियनिभं, मुणिंद ! सुमिणे वि चिंतिज्जा ॥३०५॥ गिण्हाविओ सि दिक्खं, हिएसिणा भाउणा तुमं जं च । तमलद्धं मा मन्नसु, रत्तो मइ पावखाणीए ॥३०६।। ता अज्ज वि निव्वत्तसु , वच्चसु गुरुचरणकमलमूलम्मि । आलोयसु गुरुपासे, पावमईरागसंजणियं ॥३०७।। जा एवं भवदेवं, संबोहइ नागिला ससंवेयं । ता बंभणीइ पुत्तो, संपत्तो भुत्तखीरन्नो ॥३०८।। पभणइ माय ! मए जं, भुत्तं खीरन्नममयसममज्ज । तमिह वमिस्सामि अहं, धरसु अहो भायणं किं पि ॥३०९।। आमन्तिओऽहमन्नत्थ, ता तहिं दक्खिणं लहिस्सामि । अवमियखीरन्नो पुण, संपइ भुत्तुं न सक्को मि ॥३१०॥ गिण्हेऊणं दक्षिण-मिहागओ पायसं पुणो वि अहं । भुंजिस्से का लज्जा, जं नियउच्चिट्ठअसणम्मि ॥३११॥ अह बंभणीए भणियं, वमिआसी वच्छ ! निंदिओ होसि । ता पज्जत्तं एएण, कम्मणा गरिहणीएण ॥३१२॥ तं सोउं भवदेवो, जंपइ हे बडुय ! वमियआहारं । भुंजंतो होसि तुमं, निक्किट्ठो कुक्कराओ वि ॥३१३।। तो नागिलाइ भणियं, जइ एयं मुणसि जंपसे इ तुमं । ता कह मामुज्झित्ता, पुणो वि उवभुत्तुमीहेसि ॥३१४॥ मंसट्ठिरुहिरमज्जा-मुत्तपुरीसेहिंपूरियं अहमं । किं वंताओ अहियं, मं इच्छंतो न लज्जेसि ॥३१५॥ का तेसिं पुंगणणा, जे परसिक्खावियक्खणा भद्द ! । जे अप्पाणं सिक्खंति, ते नरा इह गणिज्जन्ति" ॥३१६॥
5
25
Jain Education International 2010_02
For Private & Personal Use Only
www.jainelibrary.org
