________________
२७७
5
10
अष्टमं सद्धर्मफलद्वारम्
तो गुरुणा भवदेवो, भणिओ किं भद्द ? चिल्लओ होसि । मा होउ मज्झ भाया, अलीयभासि त्ति पडिवन्नं ॥२७८॥ अह भवदेवो तक्खण-मेव य गिन्हाविओ वयं गुरुणा । साहूहि समं अन्नत्थ, पेसिओ अह विहारेण ॥२७९॥ किं अज्ज वि भवदेवो, नायाओ इय विचिंतिउं सयणा ।। पुट्ठीए आगन्तुं , भवदत्तं इय पयंपंति ॥२८०।। भवदेवो तुमए सह, पत्तो पियमद्धमंडियं मुं। तं होउ जं न वलिओ, तं अम्हाणं पि सल्लेइ ॥२८१॥ झिज्जइ सा नववया, पिययमविरहम्मि चक्कवाइ व्व । सिरिवाणियं व तीसे, नयणजलं नेव वीसमइ ॥२८२॥ अम्ह अणापुच्छाए , भवदेवो कह वि जाइ एगागी । सुमिणे वि घडइ न इमं, गओ य सो कत्थ वि किमयं ॥२८३॥ भवदेवमपिक्खंता अम्हे गहिला पणट्ठदव्व व्व ।। अणुगहियव्वा तुमए , कहेसु ते कत्थ सो भाया ? ॥२८४॥ अह भाउभवुत्तारण-कज्जे अलियं पि भणइ भवदेवो । आगयमित्तो वि गओ, कत्थ वि पत्तो न याणामि ॥२८५॥ किं सो अन्नपहेणं, वलिऊण गिहं गउ त्ति जंपंता । सव्वे वि दीणवयणा, वलिया चोरेहि मुसिय व्व ॥२८६।। भवदेवो देवयमिव, तं नववहुयं मणम्मि झायंतो । भाउअणुयत्तणाए , पव्वजं पालइ ससल्लं ॥२८७॥ अह भवदत्तो काले, वच्चंते अणसणं करेऊण । कालगओ उप्पन्नो, देवो सोहम्मकप्पम्मि ॥२८८॥ तो चिंतइ भवदेवो, पाणपिया मज्झ नागिला नाम । तीसे य वल्लहो हं, जाओ दुण्हं पि ही विरहो ॥२८९॥ पालियमित्तियकालं, मए वयं भाउणोणुवित्तीए । तम्मि य सग्गगए मह, वएण किं कट्ठजणएण ॥२९०॥
15
20
125
Jain Education International 2010_02
For Private & Personal Use Only
www.jainelibrary.org
