________________
२७६
10
श्रीधर्मविधिप्रकरणम् मा अद्धमंडियवहुं, मुत्तुं जासु त्ति वारयंतीण । सहियाण उत्तरं सो, देइ अहं एमि नमिय गुरुं ॥२६५॥ अह भवदेवो वंदइ, भवदत्तं जाव ताव घयठा(भा)णं । मुणिणा समप्पियं से, सच्चंकारु व्व दिक्खाए ॥२६६।। तो भवदत्तो चलिओ, घयठा(भा)णधरेण भाउणा सद्धि । अणुगच्छंति य बहवे, तं नरनारीउ भत्तीए ॥२६७॥ दूरं गंतुं वलिए , सयणजणे चिंतए स भवदेवो । अविसज्जिया य एए , वलंतु भणिओ वलिस्सेहं ॥२६८॥ असणाइभरक्कंतेण, भाउणा अप्पियं घयट्ठा(भा)णं । ता मुत्तुमिमं ठाणे, जुज्जइ निव्वत्तियं मज्झ ॥२६९॥ मा वलउ इमो पच्छा, इय मणविक्खेवहेयवे तस्स । आरंभइ भवदत्तो, वत्ताओ गारिहत्थस्स ॥२७०॥ बंधव ! एए ते गा-मपायवा पहियमंडवप्पडिमा । जेसु जहिच्छं साहा-मिउ व्व रमिया तुमे अम्हे ॥२७१॥ एयाई सरवराई, ताइ अम्हेहिं जेसु अन्नुन्नं । नलिणीनालेहिं कया, हारसिरीकंठवीढेसु ॥२७२॥ एया उ गामपज्जंतभूमिया भूरिवालुआ जत्थ । वालुयचेइयकीला, अम्हेहिं पाउसे विहिया ॥२७३।। भवदत्तो भवदेवं, एवं मग्गम्मि वत्तयंतो सो । पत्तो खणेण नियगुरु-पयपउमपवित्तियं गामं ॥२७४॥ बंधुजुयं भवदत्तं, वसहिदुवारम्मि आगयं दटुं । जंपंति चिल्लया तो, परुप्परं विहियबहुहासा ॥२७५॥ नूणं भवदत्तेणं, लहुबंधू एस दिव्ववेसधरो । नियवयणं सच्चविउं, आणीओ दिक्खदाणट्ठा ॥२७६।। अह गुरुणा भवदत्तो, भणिओ को एस आगओ तरुणो । स भणइ दिक्खं गिहिउ-कामो मह एस लहुभाया ॥२७७॥
15
25
____ Jain Education International 2010_02
For Private & Personal Use Only
www.jainelibrary.org
