________________
२७४
श्रीधर्मविधिप्रकरणम् एएण अम्ह वयणं निसुयं जं इत्थ रायगिहनगरे । जंबु त्ति हविस्सइ चरमकेवली रिसहदत्तसुओ ॥२३९॥ सोऊण नियकुलम्मी, केवलिणो जम्मपावमलहरणं । एसो देवो एवं, आयरई नियकुलपसंसं' ॥२४०।। पुणरवि पुच्छइ राया, भयवं कह एस विज्जुमालिसुरो । अइतेयस्सी देवेसु , सहसकिरणो इव गहेसु ? ॥२४१॥ "अह आह जिणो निसुणसु , जंबुद्दीवस्स भरहखित्तम्मि ।
आसि मगहाजणवए , गामो सुग्गामनामु त्ति ।।२४२॥ तत्थऽज्जवर?उडो, जाया जाया य रेवई तस्स । पुत्ता य दुन्नि तेसिं, भवदत्तो तह य भवदेवो ॥२४३।। अह भवदत्तो नवजुव्वणे वि भवजलहितारणतरंडं । जिणदिक्खं पडिवन्नो, सुट्ठियआयरियपासम्मि ॥२४४।। सो दिक्खं पालंतो, असिधारुग्गं सुयस्स पारगओ। विहरेइ समं गुरुणा, महीइ बीउ व्व तस्स तणू ॥२४५।। अन्नदिणे तम्मि गणे, एगो साहू भणेइ आयरिए । अणुआणह जामि अहं, बंधुजणो अत्थि मे जत्थ ॥२४६।। तत्थ य मे लहुभाया, स ममं पइ नेहमुव्वहइ गाढं । पव्वज्जिस्सइ मं पिक्खिऊण जं भद्दयसहावो ॥२४७|| तत्तो स मुणी गीयत्थ-साहसहिओ गुरूहिणुन्नाओ । संपत्तो पिउगेहे, भाउविवाहं नियइ तत्थ ॥२४८।। परिणयणकोउगेणं, वाऊले सो मुणिस्स लहुभाया । पडिउत्तरं पि न भणइ , दूरे वयगहणवत्ता वि ॥२४९॥ तत्तो विलक्खचित्तो, पत्तो स मुणी गुरूण पासम्मि । आलोइऊण अक्खइ, तं सव्वं भाउवुत्तंतं ॥२५०॥ भवदत्तो भणइ अहो, निट्टरया बंधवस्स लहुयस्स । जं वयधारी अब्भागओ य भाया अवन्नाओ ॥२५१॥
25
Jain Education International 2010_02
For Private & Personal Use Only
www.jainelibrary.org
