________________
अष्टमं सद्धर्मफलद्वारम्
तं वयणं सोऊणं, सेणियराएण पुच्छिओ भयवं ! | कत्तो एसो देवो, कुलप्पसंसं कुणइ नाह ! ॥२२६॥
44
'अह भणइ वीरनाहो, नरनाह ! इमम्मि चेव नयरम्मि । इब्भो जयविक्खाओ, जाओ नामेण गुत्तिमई ॥२२७॥ तस्स सुया दो कमसो, संजाया रिसहदत्त - जिणदासा । जिट्ठो सुद्धायारो, लहुओ जूआइवसणी य ॥२२८॥ ततो य रिसहदत्तेण, दुट्ठचरिओ त्ति पुरजणसमक्खं । जिणदासो परिचत्तो, अहिणा दट्ठो व्व अंगुट्ठो ॥२२९॥ अन्नदिणे जिणदासो, कीलंतो अन्नजूयकारेण । जायम्मि जूयकलहे, निहओ सत्थेण अइगाढं ||२३०॥ अह जूयविसतरुफलं, तं आउहघायवेयणं दीणो । उवभुंजर जिणदासो, रंकु व्व महीयले पडिओ ॥२३१॥ अह सयणा करुणाए, भांति भो रिसहदत्त ! सविवेय ! | अणुकंपाए एयं, जीवावसु कह वि जिणदासं ॥ २३२ ॥ कित्ती भायणं इह, सो बंधू सो य नायगो लोगो । जो बंधुं निच्वं पि हु, उद्धरई वसणकूवाओ ॥२३३॥ सयणवयणेण रिसहो, गंतूणं तत्थ भणइ जिणदासं । सत्थो हवेसु बंधव !, पालिस्सं ओसहाईहिं ॥ २३४॥ जिणदासेण वि भणियं, बंधव ! दुन्नयं खमसु सव्वं । दावेसु धम्मसंबल - महुणा परलोयमग्गमि ॥ २३५॥ तो रिसहो अणुसास, जिणदासं भद्द! निम्ममो हो । तह सरसु सुद्धचित्तेण, पंचपरमिट्ठनवकारं ॥२३६॥ अणुसासिऊण एवं रिसहो सिद्धंतसारवयणेण । कारावइ आराहणमणसणगहणं च विहिपुव्वं ॥ २३७॥ तत्तो सो जिणदासो, मरिउं पंडिच्चमच्चुणा तेणं । देवो महिड्डिओ एस जंबुद्दीवाहिवो जाओ ॥ २३८॥
Jain Education International 2010_02
For Private & Personal Use Only
२७३
5
10
15
20
25
www.jainelibrary.org
