________________
२७१
10
अष्टमं सद्धर्मफलद्वारम्
तो जंपइ नरनाहो, पिउचरणे नियसिरेण फरिसंतो । ताय ! इमो तुह पुत्तो, पसन्नचंदो नमइ तुब्भे ॥२००॥ तं पणमंतं नाउं, सोमो फरिसेइ पाणिणा निवई । मज्जंतो इव तस्संग-संगयं मग्गरयनियरं ॥२०१॥ कुमरो वि सउल्लासं, सोमरिसिं पणमिऊण जंपेइ । लहुपुत्तो तुह पत्तो, एसो पयपउमभमरत्तं ॥२०२॥ अह सोमो नेहाओ, सीसं अग्घायकमलमिव तस्स । आलिंगइ सव्वंगं, तं नवमेहु व्व गिरिसिहरं ॥२०३॥ सोमस्स नीहरंतं, तं नयणजलं तया य कोउण्हं । जायं खणेण अंधत्त-नासणे ओसहं परमं ॥२०४॥ तो दटुं नियपुत्ते, पुच्छइ कुसलाइ सुयसिणेहेणं । पभणंति ते वि सव्वं पि सुंदरं तुह पसाएण ॥२०५।। अह तं तावसभंडं केरिसयं अपडिलेहियं जायं ? । इय चिंतिऊण वक्कलचीरी पविसेइ उडजम्मि ॥२०६॥ तो तावसभंडाई , ताई नियउत्तरीयअंतेण । पडिलेहिउं पवत्तो, पुव्वगमत्तेण संवलिओ ॥२०७॥ तस्स य एवं चिंता, संजाया किं जईण पत्ताइ । चिरवलियाए कत्थ वि, पुराइ पडिलेहियाइ मए ॥२०८॥ इय ईहापोहगवेसणाइ, से जाइसरणमुप्पन्नं । कल्ले कयं व सरइ य, देवमच्चाइ निययभवं ॥२०९॥ अह पुव्वभवायरियं, वक्कलचीरी सरे वि सामन्नं । वेरग्गउदयगिरवरआरूढो सहसकिरणु व्व ॥२१०॥ अइकमिय धम्मझाणं, सुकज्झाणे तओ ठिओ बीए । वक्कलचीरी पत्तो, केवलनाणं अवरमाणं ॥२११॥ तक्कालकेवलेणं, नासियनीसेससंसओ अह सो।। पिउबंधवाण पुरओ, धम्मं आइसइ सुद्धप्पा ॥२१२।।
20
25
Jain Education International 2010_02
For Private & Personal Use Only
www.jainelibrary.org
