________________
२७०
श्रीधर्मविधिप्रकरणम्
___10
अह अन्नदिणे वक्कल-चीरी जाएसु बारवरिसेसु । रयणीअद्धवबुद्धो, चिंतइ एयं ससंवेयं ॥१८७।। जणणी मज्झ विवन्ना, अभग्गपत्तस्स जायमत्तस्स । वणवासिणा वि ताएण, पोसिओ बालभावम्मि ॥१८८॥ निच्चं पि कडित्थेणं, धाईकम्माइ कारयंतेणं । तवकट्ठाओ अहियं, पिउणो कटुं मए विहियं ॥१८९॥ ता जाव जुव्वणम्मी, पच्चुवयारक्खमो अहं जाओ । ता पावो रसलुद्धो, इहागओ दिव्वजोगेण ॥१९०॥ जम्मेणेगेण अहं, पिउणो कह तस्स अवरिणो होमि ? । जेण सहिऊण कटुं, पूयरओ कुंजरीविहिओ ॥१९१॥ इय चिंतंतो गंतुं , पसन्नचंदं भणेइ पहसमए । देवाहं पिउपयदंसणम्मि उक्कंठिओ अहियं ॥१९२॥ रन्ना भणियं बंधव !, ताओ खलु मज्झ तुज्झ वि समाणो । तप्पायदंसणम्मी, ममावि तुज्झेव उक्कंठा ॥१९३।। पत्तो पसन्नचंदो, तह कुमरो दो वि परियणसमेया । पिउपयपउमपवित्ते, पत्ता आसमपए तम्मि ॥१९४॥ उत्तरिया जाणाओ, दोऽवि तओ भणइ नरवरं कुमरो । दट्टण आसममिमं, तिणं व मह भाइ रज्जसिरी ॥१९५।। एयाइ सरवराई , ताइ अहं जेसु हंस इव रमिओ। मह भायइ व्व एए य, पंसुकीलासहा हरिणा ॥१९६।। तेऽमी दुमा य जेसि, भुत्ताइँ फलाइँ वानरेणेव । महिसीउ इमा जेसि, माऊण व खीरमिह पियं ॥१९७॥ सामिय ! एयम्मि वणे कित्तिय-सुक्खाइ तुह कहेमि अहं । रज्जे मह एगं पि हु , पिउपयसेवासुहं कत्तो ? ॥१९८॥ अह तम्मि आसमपए , राया कुमरो य दो वि हु पविट्ठा । दिट्ठो य सोमचंदो, लोयणकुवलयकयाणंदो ।।१९९।।
15
20
25
Jain Education International 2010_02
For Private & Personal Use Only
www.jainelibrary.org
