________________
अष्टमं सद्धर्मफलद्वारम्
सो कस्सु त्ति कहं वा, करिस्सई मज्झ चिट्ठइ कहं वा । इय जाओ रणरणओ, चित्तम्मि निवस्स अइओ ॥ ९६ ॥ तो चित्तयरे पभणइ, तवोवणत्थस्स बंधुणो मज्झ । रूवं लिहिउं आणह, अह ते वि हु तत्थ गंतूण ॥९७॥ वक्कलचीरीरूवं, जहवत्थावयववन्नपरिपुन्नं । आलिहिऊणं आणिय, दंसंति पसन्नचंदस्स ॥ ९८ ॥ राया तमप्पतुल्लं, रूवं दद्रूण बंधुनेहेण । अंसुपवाहाउलिओ, सेलु व्व सनिज्झरो जाओ ॥ ९९ ॥ जंपेइ भुत्तभोगो, ताओ आयरउ दुक्करं पि वयं । मह भाउणो य बालस्स, जुज्जए नेव वणवासो ॥१००॥ रज्जसुहदहनिमग्गो, हा हं कीलामि हंस इव इत्थ । मह भाया वणावित्तिं, काउं जीवइ पुलिंदु व्व ॥ १०१ ॥ ताओ विन मन्निस्सइ, तस्साणयणं सिणेहसंबंधा । रज्जं पि मह न जुज्जइ, अविभागिणि तम्मि रज्जस्स ॥१०२॥ आरन्निउ व्व जीवो, सो वि हु कट्ठेण एइ इह नयरे । इय ववसिऊण राया, वेसाओ आइसइ एवं ॥ १०३ ॥ मुणिवेसेणं गंतुं, अंगप्फंसेहि खज्जभुज्जेहिं । तुभे पलोभिऊणं, मह बंधुं इत्थ आणेह ॥ १०४॥ इय रायाएसेणं, तडिठियआरक्खपुरिससहियाओ । मुणिवेसधारिणीओ, वेसाउ गयाउ तम्मि वणे ॥१०५॥ दिट्ठो वक्कलचीरी, बिल्लाइफलाइँ गिहिउं वलिओ । दट्ठूण ताउ सो वि हु, तेसिं अभिवायणं कुणइ ॥१०६॥ पुच्छइ मुद्धत्तेण य, के तुब्भे ? कत्थ आसमो तुम्ह ? | इय सोउं हसियमुहा, भांति ता महुरवाणीए ॥१०७॥ भो रिसिकुमार ! अम्हे, पोयणपुरवासिणो महामुणिणो । तुह अतिहीओ पत्ता, करेसु पाहुन्नयं किंपि ॥ १०८ ॥
Jain Education International 2010_02
For Private & Personal Use Only
२६३
5
10
15
20
25
www.jainelibrary.org
