________________
२६२
10
श्रीधर्मविधिप्रकरणम् निम्मवइ आसमकुडिं, पलासपत्ताणि आणिउं एसो । पहियाण मिगाणं चिय, सीयलछायामयपवंचं ॥८३।। अइपेसलाइ वणफल-जलाइ निच्चं पि सोमचंदरिसी । आणेइ धारिणिकए बद्धो तप्पेमतंतूहि ॥८४॥ तत्थ वि धारिणिदेवी, कंतकए कुणइ कोमलं सिज्जं । इंगोयरतिल्लेणं, रयणीए बोहइ पईवं ॥८५॥ सव्वत्तो च्चिय आसम-मालिंपइ तह पमज्जए निच्चं । इय ताइ तत्थ अमुणियतवकट्ठाई गमति दिणे ॥८६॥ इत्तो य धारिणीए , पुव्वं उप्पन्नगब्भभावाए । पडिपुन्नेसु दिणेसुं , तत्थेव सुओ समुप्पन्नो ॥८७॥ अह तम्मि जायमेत्ते, सूईरोगेण धारिणी देवी । मरिऊणं उप्पन्ना, देवी ससिणो विमाणम्मि ॥८८॥ तो अवहिन्नाणाओ, पुव्वभवं मुणिय सुयसिणेहेण । महिसीरूवं काउं, खीरं पाएइ तं पुत्तं ॥८९॥ धाई वि हु अणवरयं, तरुनियरफलाइ आहरेमाणी । कत्थ वि भुयंगमेणं, दट्ठा पंचत्तमणुपत्ता ॥९०॥ तत्तो पिया सयं चिय, लालइ पालेइ तं सुयं बहुयं । पोसइ वणधन्नेणं, धाईभावं च दंसंतो ॥११॥ वक्कलचीरेहि जओ, स वेढिओ पढममेव उप्पन्नो । तो पिउणा तस्स तहिं, वक्कलचीरि त्ति नाम कयं ॥९२॥ अह सो तत्थ निरक्खर-नरु व्व अद्दिट्टमाइओ संतो । कमसो पवड्ढमाणो, संजाओ जुव्वणाभिमुहो ॥१३॥ आजम्मबंभयारी, सो इत्थीणं न नाममवि मुणइ । पिउपायपउमसेवापरो य उज्जमइ तवकरणे ॥९४॥ अह रज्जकज्जवाउल-मणेण सुणियं पसन्नचंदेणं । धारिणिकुक्खिसंभूओ, पिउपासे अत्थि मे बंधू ॥१५॥
15
20
25
Jain Education International 2010_02
For Private & Personal Use Only
www.jainelibrary.org
