________________
अष्टमं सद्धर्मफलद्वारम्
अह गिहिऊण देवी, तं पलियं निवसिराओ भाइ तओ । सामिय ! एसो केसो, धम्मनरिंदस्स दूय त्ति ॥ ७० ॥ तत्तो य तइयवयसो, मूलं जुव्वणविणासगं पलिअं । जं दट्ठूण नरिंदो, संजाओ झत्ति कसिणो ॥ ७१ ॥ तो धारिणी पपई, किं वुड्ढत्तेण लज्जसे ? देव ! । दट्ठूण एगपलियं, जं जाओ दुम्मणो एवं ॥७२॥ घोसाविऊण पडहं, नयरं सव्वं पि वारइस्से हं । जह को वि तुज्झ कत्थ वि, न कुणइ वुड्डत्तवत्तं पि ॥७३॥ अह भणइ भूमिनाहो, न य लज्जा मे पलियदंसणओ । मज्झ पुण दुम्मणत्ते, कारणमेयं सुणसु देवि ! ॥७४॥ मह वंससंभवेर्हि, अदिट्ठपलिएहिँ वयविही विहिओ । विसयासत्तो हं पुण, अज्ज वि भुंजामि रज्जसिरिं ॥७५॥ एवं ठिए वि संपइ, गिण्हामि वयं पिए ! परं किंतु । बालो पसन्नचंदो, कह रज्जधुराभरं धरिही ? ||७६ || अहवा वयगहणसमु-ज्जुयस्स किं मह सुएण रज्जेण ? | देवि ! वयं गिण्हे हं, पालेसु तुमं सुयं बालं ॥७७॥ अह धारिणीइ भणियं, तए विणा देव ! नेव ठामि अहं । पईमग्गगामिणीओ, जेण सईओ सया हुंति ॥ ७८ ॥ तम्हा बालं पि सुयं, रज्जम्मि ठवेसु सामिय ! पुणो हं । तणुछाय व्व तडत्था सुस्सूसिस्सं वणे वि तुमं ॥ ७९ ॥ पिययम ! पुत्तो इण्हि, नियकम्मेहिं अरन्नरुक्खु व्व । वड्डउ पसन्नचंदो, बालो वि हु तेण किं मज्झ ? ||८०|| तो सोमचंदराया, रज्जम्मि निवेसिऊण तं पुत्तं । गिण्हइ तावसदिक्खं, धारिणिधाईहि संजुत्तो ॥ ८१ ॥ परिहियवक्कलचीरी, निवडियपत्ताइभोयणो अह सो । दुक्करतवं चरंतो, चिरसुन्नं आसमं पत्तो ॥ ८२ ॥
Jain Education International 2010_02
For Private & Personal Use Only
२६१
5
10
15
20
25
www.jainelibrary.org
