________________
२४९
10
सप्तमं धर्मभेदद्वारम्
जाया भायसमाणा, मंग्गा उत्तत्तवालुया अहियं । छायाविरहाओ इव, दीसंति दिसा सुसुन्नाओ ॥९८।। तो सत्थाहो रहिओ, परिसंतो तवणतावअक्कंतो । तण्हाछुहाकिलंतो, सोरीपुरतीरउज्जाणे ॥९९॥ अह सो तत्थोवविसइ, सच्छायविसालतरुवरतलम्मि । पिक्खइ य वणियमेगं, विच्छायं तालरुक्खं व ॥१००। तं जंपइ सुरदत्तो, मित्त ! तुमं कीस दीससि सचिंतो । किं कत्थ वि नट्ठधणो, परिभूओ विरहतत्तो वा ? ॥१०१॥ तो तेण नीससित्ता, भणियं सो को वि नत्थि भुवणम्मि । जो मित्त ! ममं तारइ , चिंतादुहदीहदहपडियं ॥१०२॥ पयडिज्जइ तस्स पुरो, नियदुक्खं जेण होइ परिताणं । अन्नह पयंपमाणो, हासटाणं नरो होइ ॥१०३॥ तो सत्थाहो तं पइ, जंपइ मा मित्त ! एवमुल्लवसु । जं आवयरिद्धीओ, गरुयाणं चिय हवंति जओ ॥१०४॥ चंदस्स खओ न हु तारयाण, रिद्धी वि तस्स न हु ताण । गरुयाण चडणपडणं, इयरा पडिया पुणो निच्चं ॥१०५॥ 'तो पभणइ सो वणिओ, मह चरियं मित्त ! सुणसु उवउत्तो । सोरीपुरनयरमिमं, नेमिजिणो जत्थ उप्पन्नो ॥१०६॥ इत्थासि विमलसिट्ठी, तप्पुत्तो हं धणंजओ नाम । बालत्तणम्मि जाओ, सच्छंदो जूयवसणी य ॥१०७।। पिउणा सिणेहसारं, सिक्खविओ ताडिओ वि नो विरओ । रुसिऊण विदेसेसुं, भमिओ पवणु व्व सव्वत्थ ॥१०८॥ जणओ वि अन्नतणएण, वज्जिओ मह विओयसंतत्तो । बहुधणकोडिसमिद्धो, पत्तो कालेण पंचत्तं ॥१०९।। तो किं पि धणं सयणेहि, विलसियं किं पि वाणिपुत्तेहिं । किं पि गयं राओले, एस अपुत्तु त्ति भणिऊण ॥११०॥
15
20
25
Jain Education International 2010_02
For Private & Personal Use Only
www.jainelibrary.org
