________________
२४७
10
सप्तमं धर्मभेदद्वारम्
भोगुवभोगपमाणं, जो न कुणइ पइदिणं पि उवउत्तो । सो अविरओ सया वि हु , संचिणई पावकम्माइं ॥७२॥ सच्चित्तं १ तह तप्पडि-बद्धं २ अपउलि ३ दुपोलिआहारं ४ । तुच्छोसहीण भक्खण ५-मिहं चयसु पंच अइयारे ॥७३॥ एए खलु भोयणओ, चइयव्वा कम्मओ य खरकम्मं । तम्मि य हवंति पनरस-कम्मादाणा' एयाइं ॥७४॥ इंगाल १ सगड २ वणसइ ३-भाडय ४ फोडाण ५ जीवियाकम्मं । रस ६ केस ७ दंत ८ लक्खा ९-विस १० वाणिज्जाइँ वित्तिकए ॥७॥ दवदाण ११ जंतपीलण १२-निलंछण १३ सरदहाण संसोसं १४ । असईपोसं च १५ तुमं, वज्जसु सस्थाह ! जाजीवं ॥७६॥ अवझाणपमायायरिय-पावउवएसहिंसदाणेहिं । चउहा अणत्थदंडो, तव्विरई गुणवयं तइयं ॥७७॥ अवझाणरिउघायण-विवइ?( री )त्तणदेसभंगचिंताई । सुणसु पमायायरियं, जियजुज्झजलाइकीलाओ ॥७८॥ पावुवएसं कसिसण-कारावणवसहतुरयदमणाई । हिंसादाणं सत्थग्गि-मुसलजंताइअप्पणओ ॥७९॥ कंदप्पं १ कुक्कुइयं २, मोहरियं ३ संजुयाहिगरणत्तं ४ । उवभोगस्सइरेगं ५ चयसु तुम इत्थ सत्थाह ! ॥८०॥ निरवज्जस्स मुहत्तं, सुहझाणरयस्स जो समो भावो । गिहिणो तं सामाइयनामं सिक्खावयं पढमं ॥८१॥ सामाइयवयजुत्तो, उवउत्तो जाव सावओ ठाइ । समणु व्व ताव छिंदइ, चिरसंचियअसुहकम्माइं ॥८२॥ सुमरणअणवट्ठाणं १, मणश्वय३कायाण दुट्ठपणिहाणं ४ । वज्जसु अणायरं ५ तह, एयम्मि वयम्मि सत्थाह ! ॥८३॥ जाजीवगहियदिसिवय-पमाणसंखेवणं जमणदियहं । देसावगासियं तं, बीयं सिक्खावयं भद्द ! ॥८४॥
15
20
25
Jain Education International 2010_02
For Private & Personal Use Only
www.jainelibrary.org
