________________
२४२
श्रीधर्मविधिप्रकरणम् पुट्ठपइट्ठियकंठाल-वसहघंटारवेण दिसिचक्कं । नियसाहुक्कारेण व, पूरंतो सो तओ चलिओ ॥७॥ लंघतो महिवीढं, संभासंतो पसत्थजणनिवहं । पत्तो अडविं एगं, भीमं जमनिलयभूमिं व ॥८॥ अह तीइ सत्थवाहो, पविसइ नगरागरम्मि पोउ व्व । आवासेइ य कत्थ वि, जलतीरे मंडलिं काउं ॥९॥ इत्थंतरम्मि फुरिया, पाउसलच्छी समुद्दवेल व्व । जीए तिमिरजलेणं, किज्जइ नीयं पि हु समाणं ॥१०॥ निव्वीरामिव नारिं, कोसजुयं कमलिणि मुणेऊण । हरइ सिरिं सकरेहिं, राया संकोयणमिसेण ॥११॥ इत्तो य पुलिंदेहिं, तिमिरेहि व सामलेहि सो सत्थो । आवेढिओ समंता, देही इव उग्गकम्मेहिं ।।१२।। तत्तो सुरदत्तभडा, समुट्ठिया सम्मुहा असंनद्धा । नट्ठा य कुरंगा इव, भज्जंता भिल्लभल्लीहिं ॥१३।। सत्थजुओऽवि असत्थो, सो सत्थो तक्खणेण संजाओ। नियजीवियं पि लाहं, मन्नंतो नासइ जणोऽवि ॥१४॥ सुरदत्तसत्थवाहो, बक्कर इव नाहराण भयभीओ । भिल्लाण तेसि नट्ठो, चलिओ एगं दिसिं घित्तुं ॥१५॥ रयणी वि किसा जाया, तद्दुक्खेणं व दुक्खिया बाढं । परिभट्ठतारयदलं, जिन्नुज्जाणं व गयणं पि ॥१६।। अह उदयाचलचूला-सूईभवणम्मि पुव्वलच्छीए । जाओ ससंकजुण्हापयपाणपरो रवी बालो ॥१७॥ तो तत्थ सत्थवाहो, वच्चंतो भट्ठहरिण इव तुरियं । तण्हाभरसुसियंगो, संपत्तो सरवरं एगं ॥१८॥ पाऊण तत्थ सलिलं, उवविठ्ठो तरुतले परिस्संतो । चिंतेइ नीससंतो, ही ही विहिणो विलसियस्स ॥१९॥
15
25
Jain Education International 2010_02
For Private & Personal Use Only
www.jainelibrary.org
