________________
२३८
10
श्रीधर्मविधिप्रकरणम् पभणइ सासणदेवी, जइ एवं ता रहेह पसिऊणं । मज्झ कए खणमिक्कं, काउस्सग्गेण तुब्भेऽवि ॥२५०।। जेण मह कोऽवि खुद्दो, संघपभावेण कुणइ नो विग्धं । इय संघेण पवन्ने, मं गिण्हिय सा गया तत्थ ॥२५१॥ अह वंदिओ जिणिंदो, मए तहिं विम्हियाण लोयाण । कहिओ जिणेण सव्वो, मह आगमणस्स वुत्तंतो ॥२५२।। तो पुच्छिओ जिणिदो, मए सयं संसयं नियं तत्थ । भणिओ जिणेण सिरिओ, नियआउखए दिवं पत्तो ॥२५३।। जक्खे ! तुमं अदोसा, इय छिन्ने संसए जिणिदेण । संघस्स मह मुहेणं, अज्झयणचउक्कमाइ8 ॥२५४॥ तं एगवायणो , जिणप्पसायाउ गिण्हिउं सुत्तं । पत्ता संघसमीवे, कहियं चूलाचउक्कं च ॥२५५॥ तं मज्झाओ संघेण, दुन्नि दसकालियस्स अंतिल्ला । विहिया चूलादुन्नि उ, आयारगस्स आइल्ला ॥२५६॥ इय ताउ तस्स सिरिथूल-भद्दमुणिणो सवित्थरं सव्वं ।
कहिऊण नियसरूवं, अज्जाउ गयाउ नियठाणं' ॥२५७।। "इत्तो य थूलभद्दो, उवविट्ठो जाव वायणं गहिउं । तो भद्दबाहुसामी, पयं पि नो अक्खए तस्स ॥२५८॥ सविणयमिमेण पुट्ठो, आह गुरू वच्छ ! तं अजुग्गोऽसि । अह पव्वज्जदिणाओ, नियअवराहे सरइ सोऽवि ॥२५९।। तो भणइ असुमरंतो, भयवं ! न सरामि किंपि अवराहं । भणियं गुरुणा भो तुह, बीयमजुग्गत्तणं एयं ॥२६०॥ न सरसि कल्लेऽवि कयं, इय भणिओ सो सरे वि सिंहत्तं । निवडइ गुरुचलणेसुं , नियअवराहं च खामेइ ॥२६१।। भणइ य पुणो न काहं, एवं जंपइ गुरू न तं कुणसि । काहंति परे अन्ने, अओ न ते वायणं देमि" ॥२६२॥
25
Jain Education International 2010_02
For Private & Personal Use Only
www.jainelibrary.org
