________________
5
10
15
20
25
२३६
Jain Education International 2010_02
श्रीधर्मविधिप्रकरणम्
सज्झायपडिक्कमणे, विहिए अवराउ तिन्नि इय सुणिउं । ते वलिऊणं अक्खति तं च संघोऽवि मन्ने ॥ २२४ ॥ तो पेसइ तप्पासे, पंचसए थूलभद्दपमुहाणं । मेहावीणं संघो, सूरी वि हु पाढए ताई ॥ २२५॥ अह थोववायणाए, सव्वे उब्भज्झिऊण ते मुणिणो । मुत्तूण थूलभद्दं, अन्ने वच्वंति वलिऊण ॥२२६॥ सिरिभद्दबाहुपासे, विणयपरो थूलभद्दमेहावी । पुव्वाइँ अट्ठ अट्ठहिँ, वरिसेहिं पढइ नितं ॥ २२७॥ अह सूरीहिँ स भणिओ, तुमं पि उब्भज्जसे कहं वच्छ! । सो भइ नेव नवरं, अइथोवा वायणा मज्झ ॥ २२८ ॥ पति सूरिणोऽवि हु, पुन्नप्पायं इमं पि मह झाणं । ता वच्छ ! अच्छसु थिरो, मणिच्छियं जेण पाढे ॥ २२९ ॥ पुच्छेइ थूलभद्दो, किं पढियं किंच थक्कए मज्झ ? | तो तस्स गुरू दंसइ, बिंदुसमुद्दाण उवमाणं ॥ २३०॥ पुन्नम्मि महापाणे, झाणे तो थूलभद्दमुणिणा वि । वत्थुदुगेणूणाई, दस पुव्वाइं अहीयाई ॥२३१॥ अह भद्दबाहुसामी, विहारकमजोगओ समायाओ । पाडलिपुत्ते नरे, ठिओ य तब्बाहिरुज्जाणे ॥२३२॥ इत्तोय ताउ जक्खा - इयाउ भगिणीउ थूलभद्दस्स । गहियव्वयाउ पत्ता, निययविहारेण तम्मि पुरे ॥ २३३ ॥ अह भद्दबाहुसामिं, तत्थागंतूण वंदिउं बिति । कत्थ पहु ! थूलभद्दो, देउलियाइ त्ति भणइ गुरू ||२३४|| तो तव्वंदणहेउं, चलियाओ सोऽवि ताउ दट्ठूणं । नियसत्तिं दंसेउं, सिंहस्स विउव्वए रूवं ॥ २३५॥ अइ भीसणमुत्तिधरं, दट्टु सिंहस्स तस्स रूवं तं । ताओ भयभीयाओ, साहंति गुरूण गंतूण ॥२३६॥
For Private & Personal Use Only
www.jainelibrary.org
