________________
२३५
10
सप्तमं धर्मभेदद्वारम्
तत्तो अनिव्वहंता, मुणिणो विहरंति जलहितीरम्मि । अगुणितज्जंतं च सुयं, वीसरियं तत्थ तेसिं च ॥२११।। परचक्के इव विगए , दुक्काले तम्मि सो समणसंघो । पाडलिपुत्ते मिलिओ, सुत्तं सुमरेउमारद्धो ॥२१२॥ उद्देसं अज्झयणं, अंगं वा जस्स सरइ तं किं पि । तं तस्स गिण्हिऊणं, मेलइ इक्कारसंगाइ ॥२१३॥ अह नत्थि दिट्ठिवाओ त्ति चिंतिए सुणइ भद्दबाहुपहुं । नेवालदेसमग्गे(ज्झे), चोद्दसपुव्वाण आधारं ॥२१४॥ सो तप्पासे पेसइ, मुणिजुयलं तं पि तत्थ गंतूणं । विन्नवइ पुव्वपाढणहेउं आहवइ संघु त्ति ।।२१५॥ सो भणइ महापाणं, झाणं आरद्धमत्थि इत्थ मए । तं बारसवरिसेहि, सिज्झइ ता नागमिस्सामि ॥२१६।। सिद्धम्मि तम्मि झाणे, कज्जं कम्मि वि कयावि संपत्ते । पुव्वाइ मुहुत्तेणं, सुत्तत्थेणं गुणिज्जंति ॥२१७।। इय तव्वयणं सोउं, कहियं संघस्स तेहिँ गंतूणं । पुणरवि संघेण तओ, पट्टविया तत्थ दो मुणिणो ॥२१८॥ भणिया य तुमे गंतुं , पुच्छिज्जह भद्दबाहुणो पासे । संघस्स आणखंडणपराण नणु होइ को दंडो ? ॥२१९॥ जइ भणइ संघबज्झो, सो कीरइ ता भणिज्जह तुमेऽवि । जइ एवं ता तुब्भे, एवंविहदंडजुग्गु त्ति ॥२२०॥ अह ते गंतुं पुच्छंति, सोऽवि तह भणइ तेऽवि हु तहेव । तं सोउं सो जंपइ, संघो मा कुणउ अपसायं ॥२२१।। जह होइ मज्झ कज्जं, संघस्स वि तह करेउ पसिऊणं । पेसेउ मह सयासे, सीसे मेहाविणो सव्वे ॥२२२॥ तेसिं वायणसत्तग-मप्पेमो तत्थ भिक्खचरियाए । पत्तो एगं अन्ना, तिन्नि उ तिसु कालवेलासु ॥२२३॥
15
20
25
Jain Education International 2010_02
For Private & Personal Use Only
www.jainelibrary.org
