________________
२३२
10
श्रीधर्मविधिप्रकरणम् "जइ एवं तो मुणिवर !, संजमरयणं दुहेण संपत्तं । मा खिवसु इत्थियासुं , इमस्स कुंडस्स सरिसासुं ॥१७२॥ एगारससुत्तेहिं, असुइरसं जं करेइ सयकालं । जुवईण तम्मि देहे, को रागं कुणइ जाणंतो ? ॥१७३॥ ता निहुओ होऊणं, पालसु नियसंजमं महाभाग ! । इयरजणचिट्ठिसुं , मा चित्तं दिज्ज सुमिणेऽवि" ॥१७४॥ इय तीइ वयणमंतेण, झत्ति उत्तारियम्मि विसयविसे । उवलद्धचेयणो सो, भणइ मुणी साहु ते सिक्खा ॥१७५॥ मिच्छा मि दुक्कडं ता, इमस्स अइगुरुयमोहललियस्स । भणियाऽसि जं अजुत्तं, मए तुमं तं खमिज्जासि ॥१७६।। उक्कोसाए भणियं, भयवं ! मिच्छा मि दुक्कडं तुज्झ । जं कयबंभवयाएऽवि, खेइओ अलियकहणेण ॥१७७।। नवरं तुह बोहकए , एवमुवाओ इमो मए विहिओ । ता संपइ गुरुपासे, गिण्हसु गंतूण पच्छित्तं ॥१७८।। इच्छं ति भणेऊणं, पच्छतावेण तवियसव्वंगो । वित्ते वासारत्ते, पत्तो स मुणी गुरुसगासे ॥१७९।। तो वंदइ विणएणं, गुरुणो तेहि वि मुणित्तु तं सव्वं । जावेस उवलद्धो, ता नियदोसं पवज्जेइ ।।१८०॥ भणइ य भयवं ! मह खमह, मोहदुव्विलसियं इमं तुब्भे । पसिऊण देह आलोयणं पि एसस्स खलियस्स ॥१८१॥ दाउं से पच्छित्तं, तओ गुरू तं पडिक्कमावेइ । अह सोऽवि थूलभदं, खामिय निम्मच्छरो भणइ ॥१८२॥ "जं दुक्करदुक्करकारउ त्ति भणिओऽसि थूलभद्द ! तुमं । मयणभडवायभंजण !, तं छज्जइ तुज्झ गुरुवयणं ॥१८३॥ चिरपरिचिया वि पत्थं-तिया वि मिच्छत्तमज्जरसिया वि । जं ण य गणिया गणिया, उक्कोसा सो तुमं चेव ॥१८४॥
15
20
25
Jain Education International 2010_02
For Private & Personal Use Only
www.jainelibrary.org
