________________
२२९
सप्तमं धर्मभेदद्वारम्
ता सामि ! खमसु संपइ, पुव्वसिणेहेण भोगलुद्धाए । जं खोहिओऽसि एवं, अओ परं तं गुरू मज्झ" ॥१३३॥ अह उवसंतं नाउं, तं वेसं कुणइ देसणं स मुणी । अक्खेइ रूवजुव्वणभोगभवाणं अणिच्चत्तं ॥१३४।। तं सोउं सा गिण्हइ, गिहिधम्मं थूलिभद्दमुणिपासे । सुहपरिणामवसेण य, अभिग्गहं गिण्हए एयं ॥१३५॥ जो कोऽवि एइ परिसो, रायाएसेण तं विमुत्तूण । सेसाण सेवणे मह, नियमो पहु ! जाव जीवामि ॥१३६॥ अह पुन्ने चउमासे, पासे सिरिअज्जविजयसूरीणं । पालियनियनियनियमा, संपत्ता ते महामुणिणो ॥१३७॥ अह सिंहगुहासाहू , इंतो अब्भुट्ठिऊण ईसिं ति । तुह भो दुक्करकारय !, सागयमिय जंपिओ गुरुणा ॥१३८।। इयरदुगं पि हु एवं, गुरूहिं सम्माणियं अह कमेण । इंतम्मि थूलभद्दे, सहसा अब्भुट्ठिओ सूरी ॥१३९॥ भणइ य दुक्करदुक्कर-कारय ! तुह सागयं महासत्त ! । इय दद्रुमियरमुणिणो, गुरूण रुट्ठा अयाणु व्व ॥१४०॥ चिंतंति पिच्छ गुरुणो, अणुरायं कह कुणंति मंतिसुए ? । किं दुक्कराण दुक्कर-मिमस्स सरसं जिमंतस्स ॥१४१॥ वरिसंतरम्मि एयं, गिहिस्सामो अभिग्गहं अम्हे ।। इय जंपिय अन्नुन्नं, सामरिसा हुति तुण्हिक्का ॥१४२॥ इय ते मच्छरसल्लेण, सल्लिया वि हु भमंति सह गुरुणा । वोलिति अट्ठ मासे, तहेव जा पाउसो पत्तो ॥१४३।। तो सिंहगुहासाहू , गुरुपाए पणमिउं पयंपेइ । भयवं ! मं अणुजाणह, कोसागेहम्मि वच्चंतं ।।१४४॥ तत्थ य सव्वरसेहि, भुंजतो तीइ चित्तसालाए । परिचत्ततवविसेसो, चउमासं जाव चिट्ठामि ॥१४५॥
15
20
25
Jain Education International 2010_02
For Private & Personal Use Only
www.jainelibrary.org
