________________
सप्तमं धर्मभेदद्वारम्
भइ निवो किं एसो, कवडं काऊण जाइ वेसगिहे ? | इय सो अपच्चएणं, चडिओ उच्चे गवक्खमि ॥ ८१ ॥ दुग्गंधेऽवि पसे, नासं पि अढक्किऊण वच्वंतं । दट्ठूण थूलभद्दं भणइ निवो धूणिउं सीसं ॥८२॥
•
एसो भोगविरतो, नूणं लग्गो सुसाहुमग्गम्मि । तो ठविओ मंतिपए, सिरिओ रन्ना विभूईए ॥ ८३ ॥ एसोऽवि थूलभद्दो, तत्तो गंतूण लेइ पव्वज्जं । सिरिअज्जविजयसंभूय - सूरिपासम्मि विहिपुव्वं ॥८४॥ अह संजाओ कुसलो, सिरिओ सव्वेसु रज्जकज्जेसुं । पच्चक्खो सगडालो, जाओ नयनिउणभुद्धीए ॥ ८५ ॥ निच्चं पि जाइ कोसाइ, मंदिरे भाउनेहओ तं पि । बहु मन्ने कुलीणो, सुहदुक्खपयासगत्तेण ॥ ८६ ॥ अह पिक्खिऊण सिरियं सा रोयइ थूलभद्दविरहेण । संवइ सोऽवि एवं, एरिसवयणाइँ जंपतो ॥८७॥ भाउज्जाए ! किं इह कुणिमो अम्हं विणासिओ जणओ । तुम्हाण कओ विरहो, एएणं चेव वररुइणा ॥८८॥ ता उवकोसाइ इमो, तुह लहुभगिणीइ अत्थि अणुरत्तो । भसु तुमं मह भगिणि, जह पायि झत्ति मज्जमिमं ॥८९॥ तो पिययमविरहाओ, दक्खिन्नाओ य देवरस्सावि । तं पडिवज्जिय कोसा, उवकोसं आइसइ एवं ॥ ९० ॥ भगणि! तुमं पियसु सुरं, ता एयं वररुइं पि पाए । अन्नह विसंठुलत्तं, तुह दट्टुमिमो विरच्चेही ॥९१॥ तो ती सो भणिओ, विप्पो तह पेसलेहि वयणेहिं । जह पियइ चंदहासं, नाम सुरं खीरकवडेण ॥९२॥ अह कोसावयणाओ, सिरिओ सोऊण विप्पसुरपाणं । मन्नइ मम्मि जायं, पिउणो वेरस्स उवयारं ॥९३॥
Jain Education International 2010_02
"
For Private & Personal Use Only
२२५
5
10
15
20
25
www.jainelibrary.org
