________________
२२३
10
सप्तमं धर्मभेदद्वारम्
तो अम्हाण अक्महा, उवट्ठिओ वच्छ ! कुलवहो एसो । रक्खिस्सामि अहं जइ, कुणसि तुमं मज्झ एसं ॥५५।। जइया नमामि निवइ , तइया छिदिज्ज मह सिरं असिणा । वज्झो सामिअभत्तो, पिया वि इय तो भमिज्जासु ॥५६॥ जरसावि नियडमरणस्स, मज्झ एवं गएसु पाणेसु । नियकुलगिहस्स तो तं, आधारो होसि थंभु व्व ॥५७॥ सिरिओ अंसुपवाहं, मुंचंतो गग्गयस्सरं भणइ । किं ताय ! घोरकम्मं, चंडालोऽवि हु कुणइ एयं ॥५८॥ भणइ पिया वच्छ ! तुमं, गुरुवयणवियारणं पक्कुव्वंतो । संपइ नियसत्तूणं, मणोरहे चेव पूरेसि ॥५९॥ राया जमु व्व कुविओ, सकुडुंबे चेव जा हणइ अम्हे । ताव ममेगस्स खए, रक्खेसु कुलक्खयं वच्छ ! ॥६०॥ भक्खियतालउडविसं, निवं नमिस्सामि तो मह मुयस्स । छिदिज्ज तुमं सीसं, पिउहच्चा वि हु न ते वच्छ ! ॥६१॥ इय बोहिओ स पिउणा, तं पडिवज्जिय करेइ तह चेव । उत्तरसुहफलकज्जे, कुणंति असुहं पि धीमंतो ॥६२॥ तुमए वच्छ ! किमेयं, सहसा अइदुक्करं कयं कम्मं । एयं ससंभमेणं, निवेण पुट्ठो भणइ सिरिओ ॥६३।। जइय च्चिय सामि ! तए , चुक्को नाओ. इमो हओ तइया । पहुमणअणुसारेणं, जम्हा भिच्चाण वि पवित्ती ॥६४॥ देव ! वियारो जुज्जइ, भिच्चाण सयं वियाणिए दोसे । तम्मि पुण सामिमुणिए, पडियारो चेव न वियारो ॥६५॥ अह सचिवमरणकज्जाइ कारिउं सिरिययं भणइ नंदो । सयलव्वावारजुयं, गिण्हसु मुई इमं पिउणो ॥६६।। अह विन्नवेइ सिरिओ, नंदनिवं पणमिऊण इह देव ! । चिट्ठइ जिट्ठो भाया, मह इट्ठो थूलभद्दु त्ति ॥६७॥
15
20
25
Jain Education International 2010_02
For Private & Personal Use Only
www.jainelibrary.org
